Popular Bible Verses from GA SHAGAWP 21

Share

Dinghpring ai hte chyeju lam hkan tam ai wa gaw, Asak hkrung ai, dinghpring ai hte arawng sadang mu la na ra ai.

shakut sharang ai wa a myit mamyit gaw, law htam wa na lam rai nga ai; Lawhpa ai wa chyawm gaw matsam mayan hkrum na ra ai.

Tinang n-gup hte shinglet hpe hkang ai wa gaw, Tinang myit masin ru tsang n hkrum hkra, bau sin nga ai.

Masha a man e tinang lam yawng tengman nga ai; Yehowa chyawm gaw myit masin hpe shen yu nga ai.

Hpyen gasat ai shani a matu, gumra hkyen tawn timung, Padang lam gaw Yehowa kaw na rai nga ai.

Yehowa gaw, shagu hkungga nawng ya ai hta, Dinghpring ai hte tara hkan shatup na lam, grau ra nga ai.

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

Matsan mayan ni hpyi jahtau yang, na pat kau ai wa gaw, Tinang nan jahtau yang, kadai mung n madat nga ai.