Popular Bible Verses from YOELA 2

Share

Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit

Dai hte a hpang e ngai gaw, ashan yawng a ntsa e nye a Wenyi hpe ru jaw nna, nanhte a shayi shadang sha ni myihtoi htoi na mara ai; nanhte a dingla ni yup mang mu na mara ai; nanhte a brang ram ni shingran mu na mara ai

nanhte a hpun palawng n rai, myit masin hpe gang je kau nna, nanhte a Karai Kasang Yehowa hpang de bai wa marit: shi gaw matsan dum ai hte chyeju jaw ai myit, galu kaba ai hte n gaw nwai ai myit, rawng nna, ari jaw na lam myit malai nga ai.

Dai shaloi e, Yehowa a mying ningsang hpe gang shaga ai wa kadai mung, mawai hkrang la ai kaw du na ra ai: kaning rai nme law, Yehowa tsun da sai hte maren, Ziun bum hte Yerusalem mare hta e, shanglawt ni nga nga na mara ai; naw ngam nga ai ni hta, Yehowa shaga la ai ni, lawm na mara ai.

Galu kaba re ai hte, hkrit mai ai, Yehowa a nhtoi garai n du yang, ajan hpe nsin hte, shata hpe asai hte, galai kau na ra ai.