Popular Bible Verses from NINGPAWT NINGHPANG 37

Share

Lang mi na Yawsep gaw yup mang mu nna shi a kahpu ni hpe hkai dan wu ai; dai rai nna shanhte shi hpe grau nna n dawng mu ai.

Ya Israela gaw shi asak kaba sayang she, kasha Yawsep a myi man mu lu wu ai majaw, shi a kasha kaga ni mahkra hta shi hpe grau tsawra wu ai; shi a matu reng ai palawng galu mung shi chywi ya wu ai.

Shanhte a kawa gaw shi kasha ni mahkra hta Yawsep hpe grau tsaw da wu ai gaw kahpu ni mu mu yang, shanhte gaw shi hpe n dawng nga ma ai rai nna, shi hpe ga ngwi ga sau hkaw mi muk n tsun kam ma ai.

Yup man langai mi shi bai mu nna, shi a kahpu ni hpe, Yu mu, yup mang langai mi ngai bai mu se ai; jan shata hte shagan shi langai ngai hpe nawku ma ai, ngu nna hkai dan wu ai.

Shi a kahpu ni gaw shi hpe manawn da mu ai; kawa chyawm gaw ga dai hpe matsing gun da wu ai.

Shi shanhte hpe yup mang hkai dan wu ai gaw, Ning re ai yup mang ngai mu nngai, madat yu mu: yu mu, hkai bang yi e anhte hkauling gyit nga ga yang, nye a hkauling gaw jan rai rawt tsap nga ai; nanhte a hkauling ni gaw, grup wan rai nna nye a hkauling hpe nawku nga ma ai, ngu nna hkai dan wu ai.

Law, anhte gaw shi hpe sat kau nna, nhkun langai ngai hta jahkrat bang kau gaw; shing rai nhtawm, rai matse langai ngai e shi hpe kawa sat kau sai, ngu nna tsun ga; shaloi, shi a yup mang hpa tai na lu ai gaw anhte yu yu gaw, nga nna shada da tsun ma ai.

Ya Midian hpaga ni lai sa wa nga ma ai: shanhte mung dai nhkun hta na Yawsep hpe sa shaw la nhtawm, gumhpraw lap hkun hte Ishmaela masha ni hpe dut ya kau dat mu ai: dai ni gaw Yawsep hpe Egutu mung de woi sa wa mu ai.

Shanhte gaw, Yu mu, yup mang mu wa sa wa mawt ra ai

Shi tsan tsan e naw rai nga yang, shanhte shi hpe mu nna, shanhte kaw garai n du yang, shi hpe sat kau na bawng ma ai.

Rubin gaw, Sai hkum shapraw mu; lata hte mung hkum hta mu, wora nam na nhkun hta she jahkrat bang kau gaw, ngu wu ai: dai gaw, Yawsep hpe shanhte a lata na hkye la nhtawm, kawa kaw wa sa ya na nga, myit ai rai lu ai.