Popular Bible Verses from GALATI NI 6

Share

Kaja ai amu galaw na, anhte n hki n sang nga ga: kaning rai nme law, anhte myit n yaw ga yang gaw, aten ladaw du jang, anhte dan la na ra ga ai.

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

Nanhte shada da a lit hpe gun hpai shingtau nna, Hkristu a tara hpe shatup nga mu.

Lam hkum dam myit; Karai Kasang hpe n sawn n sang di lu na n rai: masha gaw gat hkai ai hte maren, dan la na ra ai.

Tinang hkum shan hta gat hkai ai wa gaw, hkum shan hta na hten byak ai dan la na ra ai; Wenyi hta e gat hkai ai wa chyawm gaw, Wenyi hta na htani htana asak dan la na ra ai.

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.

Hpa garai n re ai wa gaw, ngai mung langai ngai rai nga nngai, nga nna rai dum a yang gaw, tinang dai tinang hkum hpe hkalem kau wu ai. Langai hte langai gaw tinang a bungli hpe dinglik yu u ga; shaloi shi gaw masha kaga hta n rai, tinang hta sha gumrawng shara rai na ra ai; kaning rai nme law, langai hte langai gaw tinang a lit gun hpai shajang na rai nga ai.