Popular Bible Verses from GALATI NI 5

Share

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai, myit nem ai hte tinang myit hpe hkang lu na rai nga ai: dai lam hte hpe hkum lu na tara mi n nga ai.

Da ndai ngai tsun nngai gaw, Wenyi hte hkawm nga mu; shaloi hkum shan a marin ai lam hpe nanhte shadik na myit dai n rai.

Anhte dai Wenyi hte hkrung nga ga yang gaw, dai Wenyi hte mung hkawm nga ga.

Hkristu Yesu hte seng ai ni chyawm gaw, tinang a hkum shan myit mung, myit kayut ai hte marin marit ai hte nawng, wudang hta jen da manu ai.

Hkum shan a bungli gaw dan dan leng leng rai nga ai rai nna, dai hte gaw: hpye ai amu, n san n seng ai amu, ngang ai amu, gawngngu sumla naw ai lam, Mandan lakle amu, n dawng n yawt ai, ga law ga la ai, manawn masham ai, pawt sindawng ai, shai wa bra wa ai lam, daw hka wa ai lam, hpung karan wa ai lam, nsu nnawn ai, chyaru nang ai, sawse lawklek ai hte bung ai lam rai nga ma ai; shing rai galaw ai ni gaw, Karai Kasang a mungdan a sali wunli hkam la lu na n rai, nga nna shawng e tsun dan ni ai hte maren, ya mung nanhte hpe tsun shadum nga nngai.

Kaning rai nme law, hpunau ni e, shanglawt ahkang lu la myit ga, nanhte hpe shaga da manit dai: rai timung, shanglawt ahkang hpe hkum shan a ginshan hkum shatai mu; tsawra ai myit hte shada da yamnga mu.

Kaning rai nme law, hkum shan gaw Wenyi hte nhtan shai nna marin nga ai; Wenyi mung hkum shan hte nhtan shai nna marin nga ai: nanhte galaw mayu ai n galaw lu myit ga, dai lahkawng gaw shada da nhtan shai hkat nga ma ai.

Na a htingbu wa hpe tinang hkum hte maren tsawra nga u, nga ai ga langai sha hta, dai jep ai tara ting dik wa sai.

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

Anhte shanglawt tai na matu, Hkristu gaw anhte hpe shalawt dat mi ai: dai re ai majaw agrin nga nna, dai mayam a kandang npu e bai hkum ahkang nga myit.