Popular Bible Verses from EHPESU 6

Share

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

Nat e maw ai hkalem hkalau ai lam hte hpe nanhte manga kau lu myit ga, Karai Kasang jaw da ai hpyen hking nlang hte hpe bu hpun dagraw nga mu.

Dai re ai majaw, n hkru n hkra ai nhtoi hta nanhte ban hkum kau lu nna, lam shagu hte hpe shangut nhtawm, lahpran tsap nga lu myit ga, Karai Kasang a hpyen hking nlang hte hpe lang dagraw nga mu.

Dai hta n-ga, n hkru n hkra ai wa a wan pala nlang hte hpe sat dang kau lu na, makam masham ngu ai n-gang hpe lang kahtap nga mu. Hkye hkrang la ngu ai hpri gup chyawp hpe chyawp nna, Karai Kasang a mungga ngu ai Wenyi a ntawng nhtu hpe, a hpye nga mu.

Dai rai nna, nanhte a nshang hpe tengman ai hte kyit nna, dinghpring ngu ai sinda magap hpe dagap nhtawm, ngwipyaw shabyin ai kabu gara shiga hkaw tsun na jin jin rai nga u ga, lagaw hta kyepdin din let, lahpran tsap nga mu.

Ya kaw nna dai Madu hte, shi a n-gun marai a atsam hta e, n-gun lapyin rawng nga mu.

Nang ngamu ngamai ai hkrum nna, na a nhtoi gaw dai mungdan hta galu kaba nga lit ga, na nnu yan nwa hpe hkungga lara di mu, nga nna htet da ai ga gaw, ga ndat lawm ai, shawng na htet da ai ga rai nga ai.

Ma ni e, nanhte a kanu yan kawa hpe dai Madu hta madat mara nga mu: dai gaw ging dan ai lam rai nga ai.