Popular Bible Verses from EHPESU 5

Share

Shing rai, tsawra nga ai kashu kasha hte maren, Karai Kasang a samnang ai ni tai nga mu. Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

Dai re ai majaw, nanhte kaning rai hkawm nga myit dai gaw, azin ayang yu nga mu: hpaji n rawng ai ni zawn n rai, hpaji rawng ai ni zawn hkawm nga mu: ya na nhtoi ladaw ni gaw n shawp nga ai majaw, dai ahkying aten hpe lata mari la mu.

Chyaru hkum nang mu: dai hta e kabring kabrawng sha rai nga ai: Wenyi hte hpring tsup nga mu: shakawn kungdawn ga, mahkawn mangoi ga, Wenyi hte seng ai laka ga hte shada da tsun nga let, nanhte a kraw lawang hta dai Madu hpe mahkawn mangoi nga nna, mahku shangwi nga mu: anhte a Madu Yesu Hkristu a amying nsang gang nna, Kawa Karai Kasang hpe tutnawng e lam shagu a matu, a shakawn kungdawn nga mu

Dai rai nna, angawk angak re ai ni hkum tai myit; dai Madu a myit ra ai lam, hpa rai nga ai gaw, chye ginhka nga mu.

La ni e, Hkristu gaw dai Hpung hpe tsawra nna, shi hkum hpe nan de a matu ap kau ya wu ai hte maren, nanhte a madu jan ni hpe tsawra nga mu.

kaning rai nme law, nanhte shawng e nsin mak rai nga myit timung, ya gaw dai Madu hta e, nhtoi rai nga myit dai.

Hkristu hpe hkrit kamyin ai hte nanhte shada da a npu e a taw nga mu.

Numsha ni e, dai Madu hpe daw nga ai zawn, tinang madu wa a hkang ai hku hkan nga mu

Rai timung, nanhte langai hte langai tinang hkum hpe tsawra ai hte maren tinang a madu jan hpe tsawra nga u ga: madu jan mung tinang a madu wa hpe hkrit hkungga nga u ga.

Dai lam majaw lasha gaw shi a kanu kawa hpe kau da nhtawm, shi a madu jan hte kanawn manoi nga na rai nna, shan lahkawng gaw hkum shan langai sha tai lu na mara ai.

Asi n lawm ai nsin a bungli ni hte nanhte n mazum ai sha n-ga, dai hte hpe kajet kau mu