Popular Bible Verses from HPAJI NINGLI 9

Share

Nang galaw ang ai amu, hpa rai timung, tsam mari galaw u; kaning rai nme law, nang yu wa na ra ai katsan ga hta e, amu bungli, maw mawn ai, chye chyang ai hte hpaji hparat hpa mung n nga ai.

Bai, jan a npu e mada yu yang, gat lawan chye ai majaw sha, gat shingjawng dang ai, n rai; n-gun ja ai majaw sha, hpyen majan dang lu ai n rai; hpaji byeng-ya majaw sha, shahpa lu ai, n rai; chye chyang ai majaw sha, sutgan lu ai, n rai; maka kumla pru ai majaw sha, myi man pa na, n rai: aten ladaw hte, ang wa ai hte maren, shanhte mahkra a matu byin ang wa ai hpe, ngai mu nngai.

Jan a npu e Karai Kasang nang hpe jaw da ai kaman lila prat a nhtoi ni hta e, nang tsawra ai madu jan hte rau, na a prat htum hkra ngwipyaw ai hte nga sha nga u: da ndai gaw, nang hkrung nga ai laman e, jan a npu e nang galaw ai amu a kamhtaw rai nga ai.

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

Hpaji byeng-ya gaw ri nhtu hte grau kaja nga ai: yubak kap ai wa langai mi mahtang mai kaja ai law law hpe jahten lu ai.

Angawk ai ni hpe up ai wa a jahtau marawn ai ga hpe madat na hta, hpaji byeng-ya rawng ai ni a ga hpe asim sha madat na gaw, grau kaja nga ai.

Hkrung nga ai ni gaw, tinang si na hpe chye nga ma ai: si mat ai ni chyawm gaw hpa n chye ma ai hte, hpa shabrai mung, n hkam la lu manu ai: kadai mung shanhte hpe n dum ma ai.