Popular Bible Verses from HPAJI NINGLI 8

Share

Shaloi ngai gaw pyaw daw lam shakawn nga nngai: kaning rai nme law, lusha na hte pyaw pyaw nga ai hta kaga, shinggyim masha gaw jan a npu e grau kaja ai lam n chye nga ai: dai gaw, jan a npu e, shi hkrung nga ai prat tup matu, Karai Kasang shi hpe jaw da ai amu bungli agrin nga ai akyu rai nga ai.

Yubak galaw ai wa gaw, n hkru ai amu latsa lang galaw nna, shi a asak galu timung, Karai Kasang a man e hkrit kamyin nga ai ni mahtang, mai kaja ai hkrum na mara ai hpe, gaja wa ngai chye nngai

Kaning rai nme law, masha wa gaw shoihpa shoirang grai wa hkrum nga ai majaw, shi maw mawn ai lam a matu, ahkying ladaw hte galaw na ginshan hku nga ai

Kadai mung wenyi ntsa e up nna, jahkring da lu ai, n rai; si nhtoi hpe mung, kadai up lu ai, n rai: ndai hpyen majan hta lawt lu na lam n nga ai: tara n lang ai amu gaw, galaw ai wa hpe hkrang la lu ai, n rai.

N tara ai amu gaw, alawan dawdan n hkrum ai majaw, mung masha ni a myit masin gaw, n hkru ai amu galaw na hpe, grau nna shaja nga ma ai.

Bai, dinghta ga ntsa e kaman lila lam langai mi byin pru nga ai; dinghpring ai ni nkau mi gaw, tara n lang ai amu galaw ai ni zawn ari ahpri hkrum ma ai; tara n lang ai ni nkau mi gaw, dinghpring ai amu galaw ai ni zawn, mai kaja ai hkrum ma ai; ngai gaw, Dai mung kaman lila rai nga ai, tsun nngai.

Htawm hpang e hpa byin na shi n chye ai; kaning rai na kun, shi hpe kadai tsun lu a ta?