Popular Bible Verses from HPAJI NINGLI 2

Share

Kaning rai nme law, Karai Kasang, shi sharawng awng ai hpe hpaji byeng-ya, chye chyang ai hte kabu gara ai jaw ya let, shi sharawng awng ai wa hpe jaw na matu, lahkawn la nna mahkawng da na nga, shi gaw yubak kap ai wa hpe amu makan galaw shangun nga ai. Dai mung kaman lila hte nbung hpe shachyut ai hkrai rai nga ai.

Masha gaw shi a amu bungli galaw let, lusha nna myit pyaw nga lu ai hta, grau kaja ai gaw nga lu ai n rai; dai mung Karai Kasang a lata kaw na rai nga ai hpe ngai mu chye nngai. Ngai hta grau lusha nna, ngai hta grau pyaw lu ai gaw, kadai wa rai ta?

Shaloi nye a lata galaw ai amu mahkra hte, ngai shachyen ai bungli yawng mayawng hte hpe ngai mada yu nna, yu u, nlang hte gaw kaman lila hte, nbung hpe shachyut ai hkrai rai nga ai; jan a npu e akyu hpa mung n nga sai.

Nye a myi ra gasit ai hpa rai timung, ngai n gang kau nngai; ngai galaw ai amu mahkra hta, nye myit kabu nga lu ai majaw, nye myit pyaw hpa ra mara hpe ngai n dang nngai: dai gaw nye amu mahkra a amyat rai nga ai.

shaloi jang, nhtoi gaw nsin hta grau nga ai hte maren, hpaji byeng-ya gaw angawk ai hta grau nga ai gaw ngai mu chye nngai.

Hpaji rawng ai wa a myi gaw shi a baw e tu nga ai; angawk ai wa chyawm gaw nsin hta e hkawm nga ai; rai timung, shan lahkawng lam langai sha hkrum na mara ai hpe ngai dum nngai.

Kaning rai nme law, marai langai mi hpaji byeng-ya, chye chyang ai hte maka kumla chye shapraw timung, dai amu hta hpa n shakut lawm ai wa a matu htawng da ya ang ai majaw, dai mung kaman lila hte yubak kaba rai nga ai.