Popular Bible Verses from HPAJI NINGLI 1

Share

Kaning rai nme law, hpaji byeng-ya law yang, myit ru lam law wa ai; chye chyang jat ai wa gaw, yawn hkyen ai hpe shajat nga ai.

Byin na ra ai amu gaw, byin ngut sai amu hkrai rai nga ai; ya galaw ai amu gaw, galaw ngut sai amu hkrai rai nga nna, jan a npu e amu ningnan hpa mung n nga ai.

Yawng mayawng gaw, masha n tsun lu hkra, hki ba shangun ai amu hkrai rai nga ai; myi gaw mu mada timung, mu jin ai, n rai; na gaw na lu timung, na tsu ai n rai.

‘Kaman lila, kaman lila,’ nga nna Tara Hkaw Sara nan tsun nga ai. Kaman lila, kaman lila, yawng mayawng kaman lila hkrai rai nga ai. Shinggyim masha gaw jan a npu e shachyen ai amu bungli yawng hta na, hpa akyu hkam la lu a ta?

Jan a npu e shachyen ai amu amyu shagu hpe ngai mada mu ni ai; yu u, yawng hte gaw kaman lila hte nbung hpe shachyut ai hkrai rai nga ai.

Masha a ban mi lai wa nna, ban mi bai paw pru nga ai: ginding aga chyawm gaw, dinggrin anga nga ai.

Lai wa sai aprat ni hpe, kadai mung n dum lu ai; htawm hpang e du na ra ai ni mung, hpang na aprat ni hpe chye matsing lu na ma ai n rai.

Shing rai ngai gaw hpaji byeng-ya hpe mung, myit n su ai hte angawk ai lam hpe mung chye ginhka lu n ga, ngai myit makun nga nngai: dai mung nbung hpe shachyut ai hkrai rai nga ai gaw, ngai myit dum nngai.