Popular Bible Verses from TARA JAHPRANG 5

Share

Na a Karai Kasang Yehowa nang hpe jaw ai mungdan hta, na a asak galu nna ngamu ngamai lit ga, na a Karai Kasang Yehowa nang hpe hkang da sai hte maren, na nnu yan nwa hpe hkungga lara di u.

Nanhte madu sha na marin dai mungdan hta nanhte hkrung nga lu nna, ngamu ngamai na hte asak galu malit ga gaw, nanhte a Karai Kasang Yehowa nanhte hpe hkang da ai lam magup hta nanhte hkan sa lu na rai myit dai.

dai hpe hkum naw hkum ku, hkum jaw hkum jau et: kaning rai nme law, ngai na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai; ngai hpe tsawra nna ngai hkang da ai matsun hkan nang ai ni hpe gaw, lamun latsa prat du hkra matsan dum ai hku a galaw nga nngai.

Lamu a lahta tang, lamu a npu ga ntsa tsang, ga a npu hka hpungtang hta rawng ai baw a hkrang hte bung ai sumla, nang na a matu hkum galaw hkum shachyaw et

Ngai hta kaga Karai Kasang shaje hpe hkum naw hkum du et.

Na a Karai Kasang Yehowa a mying ningsang hpe kaman lila hkum gang hkum tsun et; kaning rai nme law, shi a mying ningsang kaman lila gang ai wa hpe, Yehowa mara n shagun ai, nga na wu ai n rai.

Shanhte hte shanhte a kashu kasha prat dingsa ngamu ngamai lu hkra, ngai e hkrit hkungga nna ngai hkang da mada hkan sa mayu ai myit tutnawng rawng nga mu ga.

Na a Karai Kasang Yehowa nang hpe hkang da sai hte maren, laban nhtoi hpe shachyoi shapra na, dai hpe matsing nga u

Na a htingbu manang wa a madu jan hpe mung, ra marit ai myit hkum rawng et; na a htingbu manang wa a ndum nta, yi hkauna, mayam num mayam la, dumsu lawze re ai, na htingbu manang wa lu ai arai hpa hpe mung ra marit ai myit hkum rawng et,” nga ai.

Masha num mung hkum shaw et.

Na a htingbu manang wa a lam mung, n teng n man ai sakse hkum hkam et.

Masha hkum sat et.

Masha arai mung hkum lagu et.

Nang Egutu mung e mayam tai nga rawng nit dai mung, na a Karai Kasang Yehowa n-gun ja ai lata, shada ngai ai lahpum hte dai kaw na nang hpe shapraw la nit dai mung, nang dum nga lu na rai ndai; de a majaw, laban nhtoi matsing nga lu na, na a Karai Kasang Yehowa nang hpe hkang da nit dai.

kru ya nhtoi tup nang amu bungli galaw nna na a makan lam shachyen nga na rai ndai; sanit ya nhtoi gaw na a Karai Kasang Yehowa a matu laban nhtoi rai nga ai; dai shani e nang hte na a shayi shadang sha ni mung, na a mayam num mayam la mung, na a dumsu, lawze re ai na a yamnga ni mung, na a chyinghka kata e rawng ai tsasam manam mung amu bungli galaw lu na n rai; nang ban sa nga ai hte maren, na a mayam num mayam la ni mung ban sa lu na rai nga ai.

‘Ngai gaw, Egutu mung hte mayam tai nga ai nta na nang hpe shapraw la ai, na a Karai Kasang Yehowa rai nga nngai.