Popular Bible Verses from TARA JAHPRANG 4

Share

Rai timung, dai hkan e nanhte a Karai Kasang Yehowa hpe bai tam myit dai shaloi, myit masin, kraw lawang ting hte shi hpe tam myit yang chyawm gaw, mu lu na marin dai.

Kaning rai nme law, na a Karai Kasang Yehowa gaw matsan dum chye ai Karai Kasang rai nga ai: nang hpe shi kabai kau rap di na wu ai n rai; atsai awai nan di kau na n rai; na nji nwa ni hta dagam da ai ga shaka hpe malap na wu ai n rai.

Kaning rai nme law, nanhte a Karai Kasang Yehowa gaw grung nga ai wan, nsu nnawn loi ai Karai Kasang rai nga ai.

Dai rai nna, nang hkum nan myi chyi mu lu sai lam ni hpe nang n malap kau ai sha, prat dingsa matsing gun nga lu n ga, tinang hkum nan sadi nna, tinang myit masin hta a maja nga u; dai lam ni hpe na a nshu nsha ni e mung sharin achyin ya nga u

Dai rai nna, Yehowa gaw sumsing lamu lahta tang hte ginding dinghta ga ntsa e Karai Kasang rai nga ai mung, Karai shaje mi n nga sai mung, dai ni dum hprang nna kraw lawang kata e matsing gun nga mu law.

Kaning rai nme law, anhte hpyi gang ai lam shagu hta anhte a Karai Kasang Yehowa anhte hte ni nga ai zawn, amyu kaba gale ni hta dai zawn ni ai Hpara kadai lu a ta?

Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai

Dai ngai nanhte hpe hkang da ai hte hta ga ningnan jat lu na n rai, ndai hta na langai mi muk lai kau lu na n rai: ngai nanhte hpe hkang da sai nanhte a Karai Kasang Yehowa a tara matsun ni hpe nanhte hkan shatsup nga lu na rai myit dai.