Popular Bible Verses from Arooma 8

Share

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

Maana miiyo kinkhupalela saaneene yoori wala ofwa, ama ohaayi, wala malayikha, wala sheethwani, wala vitthu za nasaapi wala zintaazo wala hatha owahi, wala chanka, wala wiicha, wala etthu kiina ya wumpiwa eriina makhaamu ya oniphakulana pheta ya Nluku eriiye khwa Yinsa Al-Masiihu, Mbwana eetthu.

Khwa nanna etthiipo Rooho ya Nluku ennawuni muutteettheya mweetthu, maana khaninjuwa nanna ya olompa saana, ila Rooho ethiito enlompa khwa zwaamu yeetthu na osisimira khwa nanna yoohitaphuleleyi.

Apho nilupe niini khwa vitthu zaya epo? Nkhama Nluku ori vamote na fweeyo, paani anttelaaye oshinttanana fweeyo?

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Akhili za onaatamu ofwa, ila akhili za Rooho ya Nluku ohaayi na heeri

Ila khwa vitthu zaya epo zooshi naziti wiiya anamashintta, khwa vakatthi wa otule aniphetiyeeyo.

Kinkhupalela yoori ohoowa weetthu nasaapi eti, khunlikanisaniwa siifwa enttelaaye othoonyeziwa khwa fweeyo.

Paani anwahaaye oniphakulana pheta ya Yinsa? Tafwawuthi, othunku, olupatthiwa ama jala ama owaazu, ajali, ama phanka?

Na otule aninzaanaaye rooho zeetthu, onjuwa shawuri za Rooho, maana Rooho Ttakatthiifu enlompa khwa zwaamu ya atthu a Nluku khwa niiya ya Nluku.

Maana ooshi apale aneettettisiwaaye ti Rooho ya Nluku aana a Nluku.

Wakhula otule aniikhalaaye khwa vitthu za onaatamu, akhili zawe zinrutela epile pinaatamu antakhaazo; ila otule aniikhalaaye khwa Rooho ya Nluku, akhili zawe zinretta epile Rooho ya Nluku entakhaaye.

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Rooho ethiito enlawela oshaahiti rooho yeetthu yoori na aana a Nluku. Nkhama na aana, apho na anamarithi, anamarithi a Nluku na anamarithi vamote na Al-Masiihu; nkhama khweele ninhoowana khwa ye, yoori theenya nirette phantte ya ottitthimisiwa wawe.

Akhili za onaatamu eniinanana Nluku, maana khinjittha nkano ya Nluku, wala kinwahi oretta.

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

Ninjuwa yoori zumpe zooshi zinsisimira na enoona olwaaza nkhama olwaaza wa ovokola.