Popular Bible Verses from Olaawo 3

Share

Nluku khumuuza Munsa araka: “MIIYO TI MIIYO. Owooze etthiipo meezirayiilu, yoori: ‘MIIYO TI MIIYO ti akirumiyeeyo vakatthi venu.’ ”

Nluku khunjipu yoori: “Miiyo kiniiya vamote na weeyo. Eto ti alama yoori keetta wuuruma: amana owaalazawo atthu Misuri mwite vamwaako attaapha mwikaaputu.”

Aphano Nnyizinku khumuuza yoori: “Ohaattamevo apha! Ovule jampali zawo maana puuro yaya eti oriivo ttakatthiifu.”

Nnyizinku khulupa yoori: “Khweele kinoona nanna anhukhumwiwaazo atthu aka Misuri na kasiila nkhuwo aya mwaasa wa khaazi ankholisiwaazo pi anamalokozela a Firawuuna na kinjuwa yoori antta ohoowa. Tiito kiishukhiyeeyo oteela owuusuru mmakhono wa amisuri na kiwaalazakamo mphu kiwaalawanaka nti wooshapweya na nwulweene, ohali liniittikhaawo leethi na asali; ottuukho aniikhalaawo akanaani, ahiiti, amoori, aperizi, amwiivi na ayepuzi.

Attaapho khumpuwelela nlayikha la Nnyizinku va nlimi la moottho waari olankhaaye vakatthi wa muutthi. Munsa khweekesa khoona yoori moottho weetta okholela ila muutthi opule khawaari olukula.

Nakataalikha, olawe; miiyo kinuuruma wa Firawuuna, yoori wawaalazewo atthu aka Misuri, aana a meezirayiilu.”