Popular Bible Verses from ROMANOS 3

Share

Tucuicuna juchata rurashcamandami, Taita Diospaj punchapambagumanda anchuchi tucushca causanajun. Ashtahuangarin Dios ninanda juyashpa, Cristo Jesusmanda quishpichishpa, imatapash cashcatapacha rurashcatashna chasquishca jahuami, chashna anchurishpa causanajun.

Jesucristota crishcamandalla Taita Diosca, imatapash cashcatapacha rurachun tucui paita crijcunata chasquijujtami ricuchijun. Paipaca, shujtalla agllashpa ricunaca na tianllu.

Taita Diosca Jesucristotami, yahuarta jichashpa huañuchun cachamurca. Paita crijpica, quishpichijuchunmi cachamurca. Diosca, imatapash cashcatapacha ruraj cajta ricuchingapajmi cachamurca. Diosca, na ñapash fiñarijlla cajpi, ñaupa causajcuna juchata ashtahuan rurashcamandami cachamurca. Cunan punllacunapi paica imatapash cashcatapacha ruraj cajta ricuchingapajmi, juchacunata anchuchijun. Jesusta crijpimi, Diosca imatapash cashcatapacha ruraj cashpa, imatapash cashcatapacha rurajtashna chasquijun.

Mandashcapi imata nijujta rurashcamandalla, maijan runapash Diospaj ñaupajpica imatapash cashcatapacha rurashcashnaca na ricuringachu. Mandashca shimicunaca, juchata rurajcuna cajtallami yarichijun.

Escribishcapica cashnami nijun: “Imatapash cashcatapacha ruraj runaca, shujllapash na tianllu. Yuyaita japishpa causajca, pipash na tianllu. Taita Diosta mascajpash, pipash na tianllu. Diosmandaca tucuicunami anchurirca. Tucuillami nalicunapacha tucushca. Aliguta rurashpa causajpash, pipash na tianllu. Shujllapash na tianllu.

Shina cashpami, cashnataca aliguta yachanchi: Chai mandashcata na pactachijpipash crijpillami, Diosca imatapash cashcatapacha rurashcatashna, pitapash chasquijun.

Napacha shinachu. Ashtahuangarin Taita Diosca pactachijpachami. Runacunaca, tucuicuna llullacunami. Escribishcapica, paimandaca cashnami nijun: “Imata can nijushcamandami: ‘Canga, imatapash cashcatapacha rurajmari cangui’ ni tucungui. Shinallata canda nalicachijpipash, aliguta mishanguimi” nijunmi.