Popular Bible Verses from PROVERBIOS 4

Share

Tucui imatalla alichishcamanda yalica, cambaj shungutara alichingui. Shungumandami causaica llujshijun.

Can saruna chaqui ñandapash, imashna cajta ali ricungui. Tucui imata rurashpapash, aligutalla rurangui.

Cambaj shimihuan jatun nalita rimanataca saquingui. Cambaj shimihuan nalita rimanatapash jarcaringui.

Tucuimanda yalica, ali yachaimi ashtahuan ali. Ali yachaitami japina cangui. Tucui ima charinacunamanda yalica, ali yuyaitami japina cangui.

Ashtahuangarin imatapash cashcatapacha rurashpa causajcunapaj ñanga, yurajlla punllayamujuj michashnami. Ashtahuan ashtahuan punllayamushpa, alipacha punllayanshnami. Diosta na manllajcunapaj ñanga, yana tutashnami. Paicunaca, imapi nitijarijtapash na yachanajunllu.

Can na saquijpica, cai ali yachaimi candapash huacaichinga. Can juyajpica, candapash cuidangami.

Ali yuyaita ñuca cushcataca, chaririashpa ama saquinguichu. Chai yachaitaca alichingui. Chaimari cambaj causai canga.

Diosta na manllajcuna purina ñambica, ama yaicunguichu. Nalicunapaj ñandapash, ama ringuichu.

Huahuacuna, taita yachachishcata uyaichi. Aliguta yarishpa causanata rijsingapajmi, aligutapacha uyana canguichi.