Popular Bible Verses from PROVERBIOS 26

Share

Shinlli shungu runa rimajpica, ima horallapash ama paishnallataca tigrachinguichu. Ama paishnallata ricuringapami, na chashna rurana cangui. Shinlli shungu runataca, imashna pai shinlli shungu cashcata tigrachishpa rimangui. Ama paipaj yuyaillapi alicachirijuchunmi, chashna nina cangui.

Alcuca, shunguta tigrachishpapash, cutin tigrashpa micunllami. Shinallata shinlli shungu runapash, paipaj shinlli shungupi yarijushcataca, cutin tigrashpa rurajunllami.

Yamda illajpica, ninapash huañunllami. Imatapash parlajlla runa na tiajpica, fiñanajushpa rimarinajuipash tucurinmi.

Utujuta allaj runaca, chaipillatami urmanga. Jatun rumita vichai t'angajujpipash, paipajmanllatami tigranga.

¿Paipaj yuyaipi alipacha yachajushcami cani yajuj runata ricushcanguichu? Chaipaj randica, shinlli shungu runarapashmi imatallapash shuyanata charin.

Ñanda yalijushpa shujcunapaj fiñanajuipi yaicuj runaca, alcuta rinripi japinshnami.