Popular Bible Verses from PROVERBIOS 11

Share

Shujcunaman imagutapash carana yuyaita charij runaca, tucuipimi ali llujshin. Shujcunaman na munangacaman caraj runaca, paipashmi na munangacaman micunga.

Imatapash na mitsashpa carajcunaca, ashtahuanmi charijyanajun. Huaquingunaca, paipajlla cachun ninandapacha mitsashpa charishpami, imapash illaj tucunajun.

Jariyashpa jatun tucujcunaca, alicachi tucushcatapash huaglichi tucunllami. Ashtahuangarin ali yachaica, na jariyashcacunahuanmi.

Alipacha yachajushca mandaj na tiajpica, llactapash llaquipimi urman. Ashtahuangarin ali yuyaita cujcuna taucacuna tiajpica, ima llaquipash na japinllu.

Imatapash cashcatapacha ruraj runa imaguta rurashcapash, causaita cuj yurashnami. Alma quishpirichun villaj runaca, alipacha yachajushcami.

Parlashpalla purij runaca, na parlanallatapash parlanllami. Ashtahuangarin ali yuyaita charij runaca, tucuita pacalla alichinllami.

Pitapash llaquij runaca, paipaj almapajmi alita ruran. Ashtahuangarin pitapash na llaquishpa ninanda llaquichij runaca, paillatami llaquipi yaicun.

Ima charishcacunatalla yariashpa causaj runaca urmangami. Ashtahuangarin imatapash cashcatapacha rurajcunaca, quiru malquicuna verdeyanshnami canga.

Dios fiñashpa llaquichijui punllapica, imata charishcapash yangallatami canga. Ashtahuangarin imatapash cashcatapacha rurashcami, huañuimanda cacharichinga.

Ima nalitapash na rurashpa, aligutalla rurajcunataca, ali ñandami pushanga. Ashtahuangarin juchata rurajcunataca, paicuna jatun nalita rurashcallatami tucuchinga.

Juyailla ñavi cashpapash, ali yuyaita na charij huarmica, cuchipaj singapi oro sarcillota churachishcashnami.

Nali pezaj balanzatami, Mandaj Diosca millanayachin. Ashtahuangarin ali pezashcataca cushijunmi.