Popular Bible Verses from PROVERBIOS 10

Share

Mandaj Dios bendiciamushcami charijyachin. Chaihuanga, ima llaquitapash na mirachinllu.

Imatapash ninandapacha parlanajujpica, juchapash na illanllu. Ashtahuangarin ima parlotapash jarcarij runaca, aligutapacha yarishpami purinajun.

Na ricunayachishpalla purinaca, fiñanajuitami jatarichin. Ashtahuangarin juyaica tucui nalitapash, quilpanshnami cungachin.

Imata ruranatapash na munajcunapaj maquica, imagutapash na charijta ruranllami. Ashtahuangarin imata cashpapash ucha rurajcunapaj maquica, charijyachinmi.

Yachachishcata cazunaca, causaiman pushaj ñanmi. Ashtahuangarin jarcashpa rimashcata yangapi churaj runaca, pandarinllami.

Ima nalitapash na ruraj runaca, imatapash na manllanllu. Ashtahuangarin nalita rurashpa purij runaca, ninandami llaquichi tucunga.

Mandaj Diosta manllanami, causana punllacunata mirachimunga. Ashtahuangarin paita na manllajcuna causana huatacunaca, ñapashmi tucurimunga.

Mandaj Diosca, imatapash cashcatapacha rurajtaca, yarjaimanda llaquita apachunga na saquingachu. Ashtahuangarin Diosta na manllajcunataca, nalita rurashcallatami llaquichinga.

Nalita ruraj runaca, jatun acapana yalinshna ñapash chinganllami. Ashtahuangarin imatapash cashcatapacha ruraj runaca, causaita causajunllami.