Popular Bible Verses from MATEO 8

Share

Shina nijpimi Jesusca, cashna nirca: —Na tucui shunguhuan crij runacuna, ¿imashpata cashna ninanda manllaringuichi?— nishpami jatarirca. Shina jatarishpami huairatapash, cuchatapash jarcashpa rimarca. Shina rimajpimi, casillagupacha tucurca.

Shina nijpimi, patsaj soldadota mandaj runaca, cashna nijurca: —Apunchi Jesús, canda ñuca huasiman pushangapaca, jatun pinganayaimi capani. ‘Ali tucui’ nishpa can rimajpillata, ñucata servij huambraguca ali tucupangallami.

Shina nijta uyashpami Jesusca, ninanda cushijushpa, paita catijcunataca cashna nijurca: —Na llullashpami, cangunataca cashna nini: Israel llactapipash cai runagushna alipacha crijtaca, shujtallapash na tarishcanichu.

Shina nishpallami Jesusca, patsaj soldadota mandajtaca, cashna nirca: —Cambaj huasiman tigrailla. Can crishcashnallatami, ucha ali tucuchun nini— nircami. Shina nijpimi chai horasllata huambraguca, ali tucushca carca.

Shinamandami chai runacunaca, ninanda manllarishpa: —¿Caica ima runa cajpita, pai rimajtaca huairapash, cuchapash cazun?— ninajurca.