Popular Bible Verses from JOSUÉ 2

Share

Chaita uyashpami, ñucanchi shungupica ninanda shaijushcashna tucurcanchi. Cangunata manllashpami, tucui runacuna ña huañugrinajun. Cangunata Mandaj Taita Diosca, jahua pachapipash, cai pachapipash Taita Diosmi.

Egiptomanda canguna llujshimujpi, Puca Cuchata canguna chimbachun, Mandaj Dios chaquichishcatapash uyarcanchimi. Shinallata Jordán yacu chimba ladoman causanajushca amorreocunata jatun mandaj Sehón shuti, Og shuti ishcai runacunata imashna tucuchishcatapash uyarcanchimi.

Rahab shuti huarmica, paicuna nara puñujpillata, huasi jahua patioman vitsiashpami, cashna nijurca: —Cangunata ninandapacha manllana, ñucanchi jahuapi shamushcamandami, Mandaj Dios cai llactata cangunaman carashcataca yachani. Cangunata manllashpami, cai llactapi tucui causajcunaca shaijushpa, imata ruraitapash na ushanajun.