Popular Bible Verses from JOSUÉ 1

Share

Ricui, ñucami candaca ama manllashpa, shinllipacha tucungui nishpa mandani. Na manllashpa, na shaijunachu cangui. Canda Mandaj Taita Dios ñucaca, can maita rijpipash, canhuanmi casha” nijurcami.

Cai libropi mandashcata leyinataca, ima horapash na saquinachu cangui. Ashtahuangarin chai mandashcataca punllapash, tutapash yarijunallami cangui. Chai escribishcacunapi mandashcashnallata, tucuita cazushpa pactachingapajmi, chashna rurana cangui. Chashna pactachishpami, cambaj causaipipash aliguta causangui. Tucui imatalla can rurashcapash, alimi llujshinga.

Ñucata servij Moisés mandashcata pactachingapaca, ama manllashpa, shinllipacha tucunatallami charingui. Chai mandashcamandaca, ali ladomambash, lluqui ladomambash, ama anchuringuichu. Chashna rurajpimi, tucui imatalla can rurangapaj munashcapash ali llujshinga.

Canhuanga, cambaj tucui causai punllacunapimi, pipash na chimbapura shayari ushanga. Moiseshuan cashcashnallatami, canhuambash casha. Candaca, na jichushpa saquishachu.

Ama manllashpa, shinllipacha tucungui. Cangunapaj ñaupa taitacunaman carashapachami nishpa juramentushca llactataca, canmi chaupishpa cai gentecunaman, paicunapaj cachun cungui.

Ñucami, canguna maitalla purishca tucuilla llactataca, Moisesman villashcashnallata cangunaman cararcani.

“Ñucata servij Moisesca, ña huañurcami. Cunanga cambash, tucui cai gentecunapash jatarishpa, israelcunaman ñuca carashca llactaman, Jordán yacuta chimbashpa richilla.

Mandaj Diosta servij Moisés huañushca jipami, cashna tucurca: Mandaj Diosca, Moisesta ayudaj, Nun shuti runapaj churi Josuetami, cashna nijurca

Jichushca pambamandaca, Líbano shuti urcuta yalishpa, Eufrates jatun yacucaman, heteocunapaj tucuilla llactacunamandaca, indi huashajuj mama cuchacamanmi cangunapaj alpa canga.

Can mandashcacunata, tucui imatalla can nishcacunata maijambash na cazungapaj munashpaca, huañungapachami. Canga, na manllashpa, shinlli tucunatallami charipangui— ninajurcami.

“Carpacunata shayachishca chaupiman rishpa, tucui gentecunata cashna nishpa mandaichi: ‘Micunacunata apangapaj alichinami canguichi. Cangunata Mandaj Taita Dios carashca alpata japingapajmi, quimsa punlla jipaca, Jordán yacuta chimbana canguichi’ nishpa mandaichi” nircami.