Popular Bible Verses from GÉNESIS 49

Share

Judá mandana vara caspitaca, na quichungachu. Paipaj chaqui chaupimandaca, Siloh shamungacaman, maijan mandajpash na quichungachu. Paipajmanmi, llactacunapi causajcunaca tandanajunga.

Joseca, ninanda fucuj yurashnami. Pugyu ladopi ninanda fucuj yurashnami. Chai yurapaj malquicuna, ashtahuan viñashpa pata jahuata rijunshnami. Paitaca ninandami llaquichinajurca. Flechacunahuanmi cacharinajurca. Paitaca, arcohuan flechata cacharijcunami na ricunayachirca.

Ashtahuangarin paipaj arcoca, shinllipacha tiajurcallami. Paipaj rigrapash, paipaj maquipash shinllipachami carca. Jacoboman ushaita cuj Diospaj maquimandami, shina carca. (Israelcunapaj jatun Rumishna, paicunata Michij Diospaj shutimandami shina carca). Cambaj taitapaj Taita Diosmandami, shina canga. Paimi candaca ayudanga. Tucuita Rurai Ushaj Taita Diosmandami, shina canga. Paimi candaca bendicianga. Jahua pachamandapash, manllanayai ucu ucu yacucunamandapash, yacuta cachamushpami bendicianga. Shinallata mamapaj chuchutapash, mamapaj vijsatapashmi bendicianga.

Judá, candaca cambaj huauquicunami alicachinajunga. Canmi, canda fiñajcunataca, cambaj maquihuan cunga tullupi llapingui. Cambaj taitapaj churicunami, cambaj ñaupajpi cumurinajunga. Judá, canga leonbaj huahuashnami cangui. Ñuca huahualla, animalcunata japishpami, vichai tigramurcangui. Canga, leonshna curcuyashpami, rucu leonshna micushpa sirijurcangui. Chashna sirijujtaca, ¿pita rijchachingayari?

Rubén, canmi ñuca punda churi cangui. Canmi, ñuca shinllipacha cashcata ricuchij, ñuca shinllipacha cashpa charishca punda churi cangui. Canmi, pundapi alicachi tucunatapash, mandana ushaitapash charingui. Ninanda rijuj yacucunashna cashpapash, cambaj taitapaj camaman vitsiashcamandami, na pundapi cangui. Ñuca siririna pushtuman vitsiashcamandami, canga yangapi churai tucushcangui.