Popular Bible Verses from GÉNESIS 41

Share

Shina nijpimi Joseca, Faraonman cashna nishpa tigrachirca: —Caitaca, na ñucamandalla villai ushanichu. Taita Diosllami, chashna canatapacha Faraonman tigrachinga— nircami.

Faraonga, paita servijcunataca cashnami nirca: —¿Taita Diospaj Espirituta charij paishnalla shuj runata tarishunllu imashi?— nircami.

Faraonga, Josetami cashna nirca: —Taita Diosmi tucui caicunata canman yachachishca. Canshnalla entendij, alipacha yachajushca runaca na tianllu. Canmi, ñuca huasipi mandangui. Canmi, tucuilla ñuca gentecunataca rimashpa mandangui. Ñuca mandangapaj tiarinapi tiajushcamandallami, candaca yali casha— nircami.

Joseca cashnami nijurca: “Taita Diosmi, llaquilla causajuj llactapi ñuca churicunata mirachinata rurahuashca” nijurcami. Shina nishpami, paipaj cati churitaca Efraín shutita shutichirca.

Joseca, cashnami nijurca: “Taita Diosmi ñucataca, tucui llaquita cungachihuashca. Shinallata ñuca taitapaj huasi ucu purutapashmi, tucuillata cungachihuashca” nijurcami. Shina nishpami, paipaj punda churitaca, Manasés shutita shutichirca.