Popular Bible Verses from EZEQUIEL 34

Share

Caita chaita rishpa chingashca purijujtapash ñuca mascashpami, corralman tigrachimusha. Chaqui faquitapash huatachishpami, irquilla llamatapash shinllichisha. Ashtahuangarin virayashca llamata, ninan shinlli llamataca tucuchishami. Imatapash cashcatapacha rurashpami michisha.

Imashnami michij runaca, caita chaita cachashca llama puracunapi paipaj llamacunata rijsin, chashnallatami ñucapash ñuca llamacunataca rijsisha. Fuyulla junda, yana yana punllapi caita chaita cachashca pushtucunamandami llujchimusha.

Mandaj Jatun Dios ñucami, cashna nini: Ricuichi ñuca, ñucallatami ñuca llamacunataca mascangapaj rishpa rijsisha.

Ñuca llamacunataca, ñucallatami michisha. Paicuna tandanajuna pushtutapash, ñucami carasha. Mandaj Jatun Dios ñucami, chashna nini.

Cangunaca, ñuca llamagucunami canguichi. Ñuca jihuapi micuj ñuca llamacunalla, cangunaca runacunallami canguichi. Ñucaca, cangunapaj Taita Diosmi cani’ ninmi Mandaj Jatun Diosca nishpa villai” nihuarcami.

“Huañuna aichayu runa. Israelcunata michijcunata fiñashpa llaquichinata villai. Cashna nishpa chai michijcunaman villangui: Mandaj Jatun Diosca, cashnami nin: ‘Israelcunata michijcunalla, ¡aij imachari tucunguichi! Cangunaca, cangunallatamari michirinajunguichi. Michijcunaca, ¿nachu llamacunata michin?