Popular Bible Verses from EZEQUIEL 33

Share

Cashnatapash ningui: Mandaj Jatun Diosca, cashnami nin: ‘Ñucaca causajunipachami. Ñucata na manllaj runa huañuchunga, na munanichu. Ashtahuangarin ñucata na manllaj runaca, pai imashna causajushcata saquishpa, causaita charichunmi munani. Shina cashcamanda nalita ruranajushcata saquishpa, ñucapajman tigrarimuichiyari, tigrarimuichiyari. Israelcunalla, ¿imashpata huañunguichiyari?’ ninmi ningui.

Huañuna aichayu runa. Candaca, israelcunata chapariashpa cuidaj cachunmi churarcani. Cunanga, ñuca imatalla nishcata ali uyangui. Paicunataca, ñucapaj randi shinllitapacha tacuringui.

Ashtahuangarin ñucata na manllaj runa nalita runata saquichun, can rimashca jahua na saquishpaca, paipaj juchamandami huañunga. Ashtahuangarin canga, cambaj causaitaca quishpichinguimi’ nishpa villai.

Ashtahuangarin espada shamujujta ricushpapash, chapariashpa cuidaj chai runa trompetata na huacachijpica, gentecunaca na pacajungachu. Shinamandami espada shamushpaca, chai pueblopi causaj puramandaca, maijanda cashpapash paipaj juchamanda huañuchinga. Ashtahuangarin paipaj yahuarca, chapariashpa cuidaj chai runapaj jahuami canga.

Chai trompeta huacajta uyashpapash na pacajushcamandami, paipaj yahuarca paipaj jahuallata canga. Ashtahuangarin trompeta huacajta uyashpa pacajushpaca, paipaj causaitami quishpichinga.