Popular Bible Verses from Kada to Keaka' 28

Share

Menna-menna umbuniangam kasalaanna tä' ia la kehongko', sapo' menna-menna muakui anna nalämpäsammi ube napatisam kaju la napogau' pole, la nahäntängam bua DEBATA.

Menna-menna uhhannuam pikkiham kalena, to maho ia, sapo' menna-menna tubo sibaba kakeakasam la sikambela ia katilakaam.

To tameada' ia lumumpa' lao, moi anna tä' deem umpadondoi, sapo' to meada' ia, malino masannam susi singa kabahanianna.

Maupa' anna katambasam to mengkahea' liu längäm DEBATA, sapo' menna-menna umpomakahha' penabanna la mehonno' tama katilakaam.

Menna-menna ma'pebeem lako to mase-mase tä' la napolalam tioho' salukatuboanna, sapo' menna-menna tä' umposamele to mase-mase la buda tädo ullambi'i.

Menna-menna mantappakadai la dipa'kasallei puha ia pa'ibundianna, anna la to umpopeala-ala bakunna.