Bassi ia umpopataham sabassinna,
hupatau ia umpopataham pikkihanna padanna hupatau.

Daa ussengkenganni indo la umpogau' allo makale',
aka tala muissam sia aka la dadi illaam allo ia too.

Pesämbä'na sangkalamma' pehambi mahio,
sapo' to mepobali mepa'kalapu'-lapu'i lelem ia.

Umba susi uwai dipa'petua'i hupa,
susim too duka' tungka sipa'na hupatau diita dio busäsam penabanna.

Daa umpuji kalemu, tau senga' dam umpujiko,
daa ussangai kalemu, tau senga' dam ussangaiko.

Aham tau dilompä ditappakadai,
anna la dipakamaja illaam bäbä penaba.

Baine napohäe ma'mämmä
mentalodo susi uham mahämbä'.

Popular Bible Verses from Kada to Keaka' 27

Free Reading Plans and Devotionals related to Kada to Keaka' 27