Popular Bible Verses from Ka Rome 8

Share

Nahe gheɓəmə keɗepe tsema tsema mene geva pɛtɛa wəshi kezha ganyɛa mbeli nyi keɗe Shala, mbeli nyi hekakɛ ŋkɛ kala nya zəzəte ŋkɛ.

Kaganda ne, nahe 'ya keɗepe, wəsə shɛ kanehemte ɓəmə le ɗe ta ŋkɛ we: ya mte, ya nza teghweme, ya ka ghwene ta Shala, ya berete nyi pelɛ ghweme, ya nza nya tsetsenya, ya nza nya te kwete veci, ya berete nyi pelɛghə, ya nyi kwake, ya pɛtɛa wəshi nyi kepate geva. Wəsə shɛ kaneheve ɓəmə le ɗe nya ncɛte ɓəmə Shala laka Yɛsə Kriste Nde sleke ɓəmə.

Tsagha kemane ɓəmə Sefəa Shala mbe dewə ŋelia ɓəmə. Kaɗepe səkwə ghə gheɓəmə kala nya kehi we, kasəkwə ghə Sefəa Shala kezha gheɓəmə laka mpi dzeve nyi ɗema mɛ kagezete.

Wa ke gheɓəmə sha geze wa? Ma kenza nde le gheɓəmə Shala ne, wa nde teɗema kanza le gheɓəmə wa?

Ama tsetsenya ne, kazhɛne fete kave nda geva ke mbeli nyi jikə le Yɛsə Kriste we.

Ɗehwe ghena ta wəndə ŋelɛ nde kele wəndə kalə sha mte, ɗehwe ghena ta Sefəa Shala nde kele wəndə kalə sha mpi ba'a nza kwelɛŋe.

Ama ya kwela nza ŋkɛ tsagha ne, nahe gheɓəmə kenza kaka katsala kɛfi ma laka Nde ɗehwe ɓəmə.

Ma zəzə 'ya ne, kateyipə geva zləvə nya tencɛ ɓəmə Shala le yaka nyi sa gheɓəmə te hɛɗi nya tsetsenya we.

Wa nde nza kanehemte ɓəmə le ɗe ta Kriste wa? Ndiremi na, taze ta mehele na, mɛ nya ghweze mbeli hwa gheɓəmə na, ma na, titikwə lekwesa na, za na, kafayɛ na?

Shala nde ɗepe wəshi nyi mbe wənəa wəndə, tsagha ɗepe wəshi nyi ɗe Sefəa ŋkɛ ŋkɛ. Sefəa ŋkɛ səkwə ghə kezha mbelia Shala, kala nya ɗe ŋkɛ.

Ma pɛtɛa mbeli nyi ncɛ nda hweŋkwa Sefəa Shala ne, ŋwalea Shala hɛ fate fate.

Ma mbeli nyi kenza kala ɗe ta wəndə ŋelɛ ne, wəsə nya ɗe wəndə ŋelɛ yamene hɛ. Ma nyi kenza laka Sefəa Shala ne, wəsə nya ɗe Sefəa Shala yamene hɛ.

Kefɛake Wəzege ta ŋkɛ ŋkɛ kesa yaka we, ama nahe ŋkɛ kepelakɛ ŋkɛ kamte te ŋkwa ɓəmə, tsema ɗema ŋkɛ ve ɓəmə pɛtɛa wəshi laka Wəzege ta ŋkɛ wa?

Sefəa Shala le ghəa ŋkɛ nde ncɛ ɓəmə kaŋwalea Shala gheɓəmə. Ma nda ŋwalea ŋkɛ gheɓəmə ne, ka zeme ghɛ gheɓəmə, katekemave wəshi nyi veyi nda ŋkɛ ke ŋwalea ŋkɛ gheɓəmə zlaɓe le Yɛsə, kwa nza ŋkɛ kasa yaka gheɓəmə le gheŋkɛ, mbe zləvəa ŋkɛ tenza gheɓəmə perə.

Ma mbeli nyi kezəzə ɗe ta wəndə ŋelɛ ne, nahe hɛ kenza kaka jaga ta Shala, kazele wəsə mahalegəa Shala hɛ we, kapesle hɛ yite banda we.

Kwa nza ŋkɛ pɛtɛ wəshi nyi pate Shala kaneghe və nya tencɛ ŋwalea ŋkɛ Shala te.

Nahe gheɓəmə keɗepe deŋwa, mba wəshi nyi pate Shala pɛtɛ kaŋələvə kala male nya keheha va ya.