Popular Bible Verses from Tạitos 1

Share

Bịdi rọḅem ghan mọ bụno olegheri ni Ẹnaan, kụ eḍighinom ịyaar phọ ạbidi íḍeenaan. Bịdi awe dị moghel, ọḅile ọḅaar ẹmhu, dị rꞌeniin egey ịyaar lọ kotue oḍighi ílho mun.

Oomo ạraraar ẹserere ni ghisigh ạbuphe ọserere bọ. Ịyaar lọ rẹserere ghan esi ạbuphe mọopuan bọ rꞌạbuo emeeraam mọ ílho, ịdi eḍighi bọ iloghi phọ rꞌịitughian phọ ạbidi mẹepuan yogh.

Ọdi ạpham ni dom mọ urom bọ iyira ḍịphe ẹkpe bọ ni oḍuom ologhi phọ ạkparami, ọbo ọdi arue ạsighe igey ịtughemi phọ aromoghiom bụnon awe, ạḅile kẹn arue ạkpar apu bụphe rọogbaghanaan bọ ịpe ọdi ạtughemi bọ.

Loor esi dị ọdi kụ rapogh bọ bụo iiḍighi phọ Ẹnaan, opoghom ạbuo ạsiosi phọ kụ́moogh ḍịpioman. Kúḍighi oye iituma rꞌekpom rꞌigbagbaar rꞌekpooko ikpoki, ḅịle rꞌọoko miim. Aḍighi ni oye dị aghuraam we, ạḅile ạphomoghian ịpe eru bọ igey! Aru ni oye dị arue ni raako loor, aaleeny ni esi oḍighi phọ ọdi! Aḍighi ni oye aruukuan, dị rạpamaghan ghan loor ọdi!

mọ ẹkpe ni dị okumoor oye ạsiosi kaḍighi oye dị aseleman, ḅịle kẹn aphin nyoniin ạnir bịn. Kụ ạnmuny phọ ọdi omeeraam ni Ẹnaan, kụ́moogh rọozo dị kokol ghan bịdi mọ ạnmuny oḅom ẹmhu.