Popular Bible Verses from Bụo aRom 12

Share

Kémeera mọ awe aḅirini phọ ịpiloghom inyina ọḅologh ọghighima. Ẹnaan kụ ẹḅol ghụn iloghi phọ anyina ẹghighemi nyọpo ọdi bịn kụ nyina egbi olegheri ịitughian phọ ọdi — ịpe ẹnighe bọ, ẹḅeeraan bọ nyọdi kụ eseleman bọ.

Bụo asiya, loor iboom ighirigiir phọ ịphen Ẹnaan rịnma ghan bọ iyira, mị rạlom ni mọ ịḅogh loor phọ anyina imoom eḍighinom ịyaar aghuḍum aruukuan dị Ẹnaan kẹsighe, ẹngo nyọdi. Ẹkpianaan ooseeny ghan ọdi ịduon phọ bịn.

Oḍuom ologhi phọ nyina ẹmoogh bọ ịngo ghan inyina iboh! Ịkparam ghan ịminimiin phọ anyina ẹeḅereghi ghan oomo amem.

Kémeera ịkaraph ẹkpar ipu inyina, ịsighe igey kụ ezuoghom ịkaraph.

Oniin ạphomoghian ghan nyoniin ịdipho ạnmuny-onhiin! Oniin ạphurom ghan aghueni nyoniin!

Ẹphomoghian kị́ḅaram ghan rꞌẹnum ịikpukian. Ikel ịkaraph, ẹphamanam ịlo ẹnighe.

Bin mụo anyina, iḍighi ghan oomo ịlo nyina ketue, ẹrolom ẹepho rꞌoomo awe.

Iiḅi asiya, kéḅulemian ghan oye ịkaraph, ịbilenaan ghụn Ẹnaan kụ ẹlhiom ghan. Ọge ni pạ ạḍinya iigbia phọ mọ, “Ọmoogh-we phọ ạḅem mọ mị kụ kaḅulemian. Mị kụ kạkpe.”

Ịkpar ḍịghaagh, oye kụ́gbogholeer ghan. Ịsighe ẹenyuum Uwaloor Iigbia phọ eḍighinom ghan oḍighi ọngo Ọmoogh-we phọ.

Mị ạtuan ni ịdipho Ẹnaan ẹnma bọ ighirigiir iḍighi ịmi otelhedom mọ kụ rạḅeni bọ oomo phọ anyina mọ kẹ́etughian ghan ịitughian dị ipel inyina loor. Tọrobo ọnyo anyina ạtuugh ghan ghụn ịitughian dị ẹkasian rꞌomeeraam mọ Ẹnaan ẹngo bọ nyọdi kụ ạatughian ghan!

Oye iḍighi inyina ịkaraph, kẹ́kpiom ghan ịkaraph. Ịkpatian ghan oḍighi ịdi awe inyina kị́ḍagha ghan.

Ịtolom oomo phọ awe phọ nyeniin ẹrolom. Kébaga ghan, iḍighom ghan ni ighiil awe. Kẹ́etughian ghan mọ nyina kụ ilegheri ịyaar.

Kpạripe ghụn rꞌoḅulemian, ẹnon esi ẹḅem ni mọ, “Ạmulogh-ḍien ạna lọ ọkoony rasiph, ngọ ghan ni eḍien. Mọ ạmuum kụ rạpu, ngọ ni ọdi ạphughol. Ịduon phọ kụ ịdi nạ kakiighe nyọdi umugholoor.”

Ịlom ghan Ẹnaan mọ ọdi ạseph ghan kútonyon bụphe rịgbiphoghom bọ inyina. Bụlo robo iboh, iḍighan ebo aani, eḍighan bụlo romoghi emoghi aani.

Ịngaani ghan bụo asiya lọ ekuom ịlo nyina ẹmoogh, ẹlhogh ghan otu ruuruen eghuraam.

Esi kịrokiro kụ itulughan bọ eḍighi ḍiniin phọ aloor phọ, kụ oḍighi ọlo esi rꞌesi. Igina phọ kẹn ni, ghạlamo ịdipho aḍita phọ ayira ẹbugh bọ ni, yira mọḅophoghan Kraist oḍighi ḍiniin aloor, kụ oniin atulan nyoniin ịdipho ariisi aloor phọ.