Popular Bible Verses from Bụo aRom 11

Share

Ọdi kụ ạlhem bọ oomo ạraraar phọ. Oomo ạraraar phọ ụtuan nyọdi kụ ọlhem bọ mọ eḍighi ịpe ọdi ạtooghi bọ. Eegu kụ ẹrolonaan nyọdi kꞌagee-pọ! Ẹrol li ịdipho!

Ẹeḍiom ẹelha phọ Ẹnaan ẹbugh ni iboom. Olegheri-ịyaar rꞌịitughian phọ Ẹnaan eekuna ílho ghan. Ạnhian kụ katue alegheri rigbiom mọ ọdi?

Ịdipho ạḍinya iigbia phọ ẹḅem mọ, “Ạnhian kụ alegheri ịitughian Ọmoogh-we phọ? Ạnhian kụ katue atomoghiom nyọdi?

Igina phọ kẹn kụ edi ni nyịidipho phọ. Mạman awe dị Ẹnaan ẹnma ighirigiir ẹsaḅar odi ni. Ọdi ạnma ighirigiir, ọ́tuan iiḍighi ạbidi kụ ạsaḅar bọ bịdi. Mọ Ẹnaan rẹtuan ghan iiḍighi kụ kẹsaḅar we ẹsighe, ọbo ọnma ighirigiir ọ́moogh mun ẹmhu.

Moḅonyon iniin ịla ọliv phọ ọzuph bọ otoph, ọsighe oniin ọla ọliv elegheḍum otu otulom. Nạ ooruen phọ ạkigh ọliv elegheḍum mọ kụ nyịidipho nạ rapin aani bin ẹeḍiom ạmayagh ạsini aghuḍum ạbuo aJu phọ. Loor ịduon phọ, kạ́ḅitonaan bụphe oḅonyon bọ oroph ịdipho ịla oreeny phọ. Nạ kakol bọ eeghe kụ abaga? Nạ oniin ọla bịn. Nạ kụ ọ́pham bọ sịni phọ; ạsini phọ kụ ịpham nyịna.