Popular Bible Verses from Bụo aFilipai 2

Share

Kẹ́sighe ghan ịkaraph iipikian rꞌobaga kụ eḍighinom ịyaar lọ nyina reḍighi. Oniin asooromi ghan loor ạngo nyoniin oomo amem ạsighenom ghan mọ ọphori phọ kụ aḍighi ogey apu nyọdi! Oniin ạwa ghan ịlo kẹngo sụo nyọori phọ, kị́lo ọdi bịn!

Ịmoogh ologhi phọ ọpo ạJizos Kraist ạmoogh bọ.

Areeghe phọ Ẹnaan imunughan ni loor ọdi, kụ ọdi ọ́otughian mọ, ịdipho ọno aalenyan bọ Ẹnaan, mọ ọno kạsighe ẹekpara ekpeḍien kụ ạtolom. Ọdi ạsighe ghụn ni rꞌophooph ologhi kụ ạwileghi yogh oomo igbogh phọ ọdi, kụ asoor dọl ẹbene aateneghian amite ịdipho oopho oye. Ọdi asooromi ni loor ameeraam omugh aḍuugh egbo sịphe oreeny phọ.

Ilegheri mọ ịikpo phọ Ẹnaan reḍighi ni oḍighi loor anyina, ọbo nyina ẹnaghanan eḍighi ịpe ẹḅeeraan bọ nyọdi.

Ẹmhu ịduon phọ, kụ Ẹnaan iphoophe bọ nyọdi kꞌẹpe ạnyu, kụ ẹngo bọ nyọdi ḍien phọ epu bọ oomo ịnon asiḍien phọ, ọbo esi oghueni aḍien phọ ạJizos oomo ịlo edi kꞌạke, rꞌịsien ade phọ, rꞌịlo ghuḍum ị́moogh mun, ekpuḍian nyọdi, kụ aḍita phọ ọkaaph omitiom mọ ạJizos Kraist kụ Ọmoogh-we phọ ni, okueniom Ẹnaan Ọde phọ.

Oomo ạraraar lọ nyina reḍighi, kégum ghan, ḅịle kẹn kẹ́egbaghanaan ghan, ọbo nyina eḍighi nmụny phọ Ẹnaan dị ookuan oseleman yogh. Ịtol dọl dị ịyaar inyina kị́biph sịphe ogbo ọkulakula aḅirini ịkaraph awe phọ. Ịmu sịphe ogbo phọ ạbidi ịdipho ạḍiḅaal sịen aḅirini phọ

Loor ịphen phọ, iiḅi asiya ạmi, ịnaghanan ghan ni ịdipho nyina ịnaghanan ghan bọ ịmi mem mọ yira ọrolan bọ. Ẹkar ghụn eḍighi ephigh ọnaghanan ghan nyịidipho mị mịgbatanaan bọ inyina. Ịkparami ni ḍịghaagh ẹḅara oghiilaan eḍighi ịlo ạpeleeny phọ anyina kamunughan.