Popular Bible Verses from Bụo aGaletia 2

Share

Mị odi ni rapooghu, kụ kạ́mi. AKraist kụ odi ghan loor phọ ạmi. Aghuḍum mọ mị odi bọ nyịidipho, mị odimom omeeraam mọ mị ạmoogh bọ esi Ọony phọ Ẹnaan, ọpo ụphomoghian bọ ịmi kụ ughol bọ ịmi kụ amugh bọ.

Mị ạmaghami ni ḍuugh phọ aKraist ịyaar. Eru mạar dị Ẹnaan ẹtuan ooko Ologh phọ aMozis ẹsighenom aani mọ yira awe aruukuan ni, pọ ị́kpianaan dị aKraist mumugh.

Ọkar igey ni, yoor ạbuo aJu phọ ụ́kigh ruuruen phọ rọ́daph ghan bọ iilogh phọ aMozis. Kụ yoor olegheri ni mọ rọtuan ghan omeeraam ạJizos Kraist kụ Ẹnaan kẹsighenom mọ ọphon oye aruukuan ni, rọ́tuan ghan ooko Ologh phọ aMozis. Yoor phọ kẹn momeeraam aani Jịzos Kraist, pịdi ọtuan omeeraam mọ yoor ọmoogh bọ esi aKraist, kóoko ghan Ologh phọ aMozis, kụ Ẹnaan ẹsighenom aani mọ yoor awe aruukuan ni. Yoor olegheri ni mọ rọ́tuan ghan ooko ghan Ologh phọ aMozis kụ Ẹnaan kẹsighenom mọ ọphon oye aruukuan.