Popular Bible Verses from Bụo ạEfesos 4

Share

Pạ ogbo phọ anyina, ịmoogh ghan igbiririph, ẹnma ghan ighirigiir, ẹsar ghan ịkaraph ẹwilenaan, ịdipho Ẹnaan mẹtuan bọ Kraist ẹsar ịwilenaan inyina.

Isooromi ghan loor, ẹphoomi ghan loor, ẹmoogh ghan ọkparam oomo amem. Ịmoogh ẹphomoghian, oniin ạminoghom ghan ịkaraph oniin!

Ịkaaph ghan ghụn ịlo ẹgbaanyan ọghaaph lọ nyina ẹpham, esi ọloghonaan ạḍighaagh bụphe rọnaghan bọ, pịdi ikpo ọnhu phọ anyina ẹngo ghan bịdi ọninom.

Ịkporion rạghaagh iloghi eghiḍim, rꞌẹḍim, rꞌịghagh iloghi, rꞌomoogha yogh, rꞌiitunyan, rꞌoomo ịitughian ạmulogh-ḍien.

Kụ ịyaar ẹghagh iloghi anyina, kẹ́tuan ghan ịghagh iloghi phọ ẹpioghom sịpioghom. Ịghagh iloghi phọ anyina kị́tol ghan oomo ẹmhu aḍio. Rꞌamem rꞌamem kẹ́ngo eepoogh Eru phọ.

Ịkporonaan igbaany ạroozo phọ nyina ẹrolom ghan bọ mem dị meten eroph, rọozo phọ ịpe ẹtuan bọ rụuphua amabi kụ rịphue ghan bọ inyina. Iloghi phọ anyina rꞌịitughian phọ anyina eḍighi imoom ẹmadan! Ịkpologhian imoom igey ạroozo phọ ọlhem bọ ọghighemiom Ẹnaan kụ eganana bọ esi akugey aghuḍum iigbia phọ aseleman bọ.

Ịkparami ḍịghaagh, ẹmaar ẹpham ọḅoph ọnhu phọ Uwaloor Iigbia phọ rạngo ghan bọ, loor ẹepho phọ ẹpe ịḅar bọ inyina ẹḅophoghi.

Ọdi kụ aanmo bọ we ruunmo phọ, ạma buniin oḍighi abutelhedom, buniin ọghaaph ghan ịpe Ẹnaan egananami bọ, buniin ọghaaph ghan ooḅi ọghaaph phọ, buniin ophogh ghan ạbuo ạsiosi phọ, buniin ọtughemi ghan ịtughemi. Ọdi adiighi ịduon phọ ọloghonaan ạḍighaagh we phọ Ẹnaan mọ oniin aḍighi ghan nyoniin iiḅi ḅịle rꞌọoneghiom ophophe ạbuo ạsiosi phọ aḍighi bọ loor phọ aKraist, pịdi ạmuḅoph phọ oomo phọ ayira ọḅoph bọ aphoph tụtu yira oḍighi nyoniin esi omeeraam mọ rꞌolegheri Ọony phọ Ẹnaan, pịdi aḍiphoph phọ ayira ẹman aani ọkaraghi ẹrolom mọ aKraist.

Bịn yira kọ́tol mun ịdipho ịbam ạnmuny dị ạmuum oologh rakilom, ḅịle kẹn ookuugh ịtughemi kịrokiro aweye ikeḍi rꞌiikeleghian amabi rạpiphoghom. Yira ọrol ghụn ni dọl ẹphomoghian kụ ọgba ghan igey phọ, pịdi yira ophoph ooleeny Kraist sịphe oomo areten aghuḍum mọ ayira.