Popular Bible Verses from ROM 2

Share

Gabụ na ba duma ụshɛrɛya wa atwa na a nda iyi gɛnɛ ɛtɛ, gabụ kaa ba nda du ijɛ ɛtɛ ni ikɛnyi bu, bi heŋshi ree maa bi zhɛ ba banangana ụshɛrɛya wa Agwatana? Kwo kaa bu ngbaracɛ ree ugombo iwɛ-tumapa ubwa, keeni isɛbwɛ ibwɛ ti'ima keeni egiri ubwa tula cwɛŋ? Bi eshiciji shi maa iwɛ-tumapa ya Agwatana ibɛ ma bu 'yagaga maa jɛshɛrɛjɛ-ahaŋsa o.

Iwɛbɛ po okwo bụtụ be elele na abɛ shɛ, ta aba duma ụshɛrɛya binya bụtụ, bu zasa ajɛshɛgwa elele na maa peni kwukwuŋ. Ijɛ ɛtɛ aba duma ụshɛrɛya binya bụtụ, ibɛ kaa du aba nda gbaa, asha bu meme peni du n-ndumwa-tụwụma ni ikɛnyi bu.

Iwɛnɛ po Agwatana zenji shi atwa o.

Shɛ atwa na a hwuga iyi nɛ Undwa jɛmɛ kwakwa ɛɛ zhɛ a pana n-ndumwa-zhɛ na agba Agwatana o, semi atwa na a nda iyi nɛ Undwa jɛmɛ, aba kiri Agwatana zhɛ a pana n-ndumwa-zhɛ.

Ubwa kaa zhɛ ba tụpa bụtụ bụtụ te teni cɛŋ gana na tu baa njɛ ugondu.

Ama isɛbwɛ ya Agwatana zhɛ ya patana nu uhiuhiu wa atwa na shɛ e'weji-uwuru, a na jeri shi maa a na nda iyi nɛ teni cɛŋ, ama a jala maa a na nda gi iyi iwɛ.

Ama gana na ta amɛ bu hweteni, aa jɛshɛrɛjɛ shɛ, bu mama intananɛ isɛbwɛ nụ ụjita isɛbwɛ ya Agwatana, na aka na tụ ụshɛrɛya ubwa u tishiriri zhɛ wa kapɛshɛngwa jita ata.