Popular Bible Verses from ROM 1

Share

N njɛ shɛ ezuye iwɛ Anabarɛ Ebiye tu'ananga o, iwɛnɛ taa shɛ ukpahiŋ wa Agwatana na wo bicingo bụtụ be elele na tɛtanɛ-rishe, te Eju hiiŋ, keeni Egrik du.

Tedure na Anabarɛ Ebiye ata ibɛ Agwatana a lashɛga bụtụ be elele na tɛtanɛ-rishe tutu uce, gana na te e 'nyeci, ɛɛ hiɛŋ, Bụtụ bi tiririri zhɛ ba 'yaga uraiŋ tedure ne rishe-tɛtɛtana.

Iyi ya Agwatana nɛ ee eri shi a kwụba la taa na aka na ta a njɛ unyizo, e eri a kwụba iŋ ya caakwụ tedure ni iyi nɛ Agwatana njɛ, tu ukpahiŋ ubwa unyizo-nom keeni Agwatana na baa shɛ, iwɛ maa kede e gwushiji ajɛshɛgwa na maa e peni o.

Okwo te e mepi Agwatana, ee peni shi bu ụjɛrụma na lanɛ nu bwa o, a njɛ shɛ kaa ugwoje nu bwa o. Ama shihaŋsa shɛ na aa haŋsa shɛ shɛ iyi tɛgadaga, tuhaŋsa ta aba tu na ti eshiciji shi iwɛ, tɛ shɛ ya tishi.

E sheyinji iwɛ-tɛkana ya Agwatana nụ ụzagwụ, aa zhɛba iyi nɛ Agwatana karɛ, aa ndana iŋ iyi uhwuri Agwatana na karɛ iŋ. Agwatana kaa ubwa shɛ bụtụ na oo zhemonjino tutu unyizo-nom! Ami.

E kepishinji isɛbwɛ ya Agwatana maa i banɛ na azuba maa i sukakanɛ iwɛwɛ keeni iyi iwɛ nɛ atwa elele a nda. Ibɛ shɛ iyi iwɛ nɛ atwa a nda, nɛ ya kapana iwɛ-tɛkana ya Agwatana uhwaŋna.

Iwɛbɛ po Agwatana jinekeni aŋ ekwedeyi awɛ a na sugeni aŋ ezuye. Eyikwo aba suji iyi nɛ ga shɛ maa a njɛ gana na ta butugwumwa namɛ, ee sheyinji iŋ ya ni iyi nɛ shɛ shɛ gana na ta butugwumwa ga shɛ ba sha. Gobwonu du etwenyi genji iyi nɛ ga shɛ maa a na nda no ofwo eyikwo, ama ukwedeyi wa aba ụwɛ na wo hwoŋno na shɛmɛ sha aba shishingeni aŋ maa a na mama ndanụ ezuye abaaba etwenyi, ibɛ po ee peni aŋ ulwapɛ na teni cɛŋ na ti'ina tu na aa 'inɛ. Gana na ti iyi ya aba tumapa leneni shi aŋ maa a 'yaga iyi-tumapa ya Agwatana na shɛmɛ sha aba, ibɛ po Agwatana jinekeni aŋ ahaŋsa na ee eri shi a ya tumanga, maa tuba a na nda ya iyi nɛ teni shi cɛŋ.

Gana na te e heŋshi maa a incɛ, nazhɛ kaa aa shɛ ya shɛlagwụ. E shepi ụjɛrụma wa Agwatana na fwoshi shi, ee peni uŋ itɛtɛnuwɛŋ nɛ i shɛ gana bụtụ nɛ yo fwoso, keeni una shanụnụ, keeni una isundɛ nɛ 'yajɛ ivwunɛ ineshi, keeni una iyi nɛ yo hombilo.