Popular Bible Verses from UMOZHIGO 50

Share

I namɛ la na shɛmɛ shi hiŋ maa hi n njɛ iyi iwɛ, ama Agwatana tuba jɛshɛrɛjɛ iŋ yaa shɛ ya iyi ibiye, maa Mo bicingo atwa ufwugwo ụ'wụtụ anaa na ta namɛ hwayɛ ga.

Ama go Josɛf hiɛŋ aŋ, Ta nda ma inyɛsɛ o, shɛ Gamba n shɛ Agwatana o.

Yaa shɛ iwɛ inɛ ɛtɛ, ta nda ma inyɛsɛ o, N zhɛ ma hi biga ta miaụŋ mi hiŋ mu tuwee wee. Gabata baa ingatanjɛ aŋ, bee lemicinji aŋ du shɛmɛ.

Bɛɛ hiɛŋ Josɛf, Ma bu tabwa maa gengeni atagwụ bụ tipindo keeni iwɛwɛ ya aba, iwɛnɛ aa bɛ njɛ la iyi iwɛ. Ta bu tabwa hwuwayɛ go maa iti gengeni tipindo tu tu atuba miaụŋ-mu-ugondu ma Agwatana bishi bu. Go Josɛf cwɛ-u'wo aka na ta a jɛmɛ iwɛ gɛ nu bwa.

Nazhɛ go Josɛf hiɛŋ miaụŋ-mo-ono bwa, N zhɛ mo 'wo, ama kaa Agwatana zhɛ me hi mbiyono tilɛɛ. Bɛɛ zhɛ kaa ba nda maa hi beni na cɛnjɛ tu ga maa hi zhe na cɛnjɛ ta ata bee shileni la Abraham, na Azik keeni Jekob unu.

Nazhɛ go Josɛf njɛ maa miaụŋ mi Isrɛl mu to-tuwa, maa aka na Agwatana ihi 'yagajɛ hwuŋ maa hi zhe na cɛnjɛ ta ata, sugo ma o'umpwo mi maa hi beni epe.

Go Josɛf 'wi ga ni Ijipti, tu baa namɛ shiywa dipi-yebi-ne-eshe-umpwa te e meci bu. Aa sụkwụtwa bụ unibi maa kede u fwoso, ee shiyeni bu du ni ikpɛtɛ ru'wo.