Popular Bible Verses from UMOZHIGO 49

Share

Bukwuto bu tugwama zha shɛ ba ganga Juda o. Ajalalo ubwa kaa zhɛ na ya tugwama aka elele. Edenji zhɛ na tụpa bụ ụdalụ, ɛɛ zhɛ kaa na hwuga-unu ubwa maa o kwuzono bu.

Go Josɛf shɛ gana ukparɛ ufwafwa, a'walụ ukparɛ ufwafwa na shikeni ni ipɛlu u'ibwa meni. Shɛ'walụ shɛ bwa sho mungo nụ ụdatụ. Atwa i'ime ibwɛ kepengeni bu, ee heshigeni bu amɛ tebiye. Ee urigeni bu ni itɛ keeni a'inla aba.

Okwo ti yaa shɛ gana ata, uta ubwa kaa njɛ shɛ bulama o. Bụtụ ata bu Ukpahiŋ Jekob na Hwuri Kpaaŋ njɛ aragbamụ ubwa maa a 'yaga ikɛnyi (tedure na bi'iywa-ba-agwụdụ na shɛ utayɛ ụ'wụtụ wa atwa Isrɛl). Agwatana bishi bu, ubwa mo bu mbiyono, Agwatana na Hwuri Kpaaŋ ubwa ma bu pana-uwebiye ye eshilo na namɛ na azuba. Tu uwebiye meni na mi iri, mu na ma banɛ taa tuta ta cɛnjɛ, tu uwebiye miaụŋ mu ufwugwo tumata.

A-Juda, miaụŋ-mo-ono bu mi zhɛ ma bụ dumanga, nu u'ala bụ ɛbi zhɛ ba ima atwa i'ime bu i'ilu. Miaụŋ me bishi bu kaa mi zhɛ mo bu kwuzono. Go Juda shɛ gana bizeci, na njɛ ụbaụta nazhɛ baa kwụnɛ usunda na tijala tu bwa, nazhɛ bee gwure nụ ụpangwụ ubwa. Boo momo mbo bee weci, gaaba eri ba kara maa ishicinjɛ bụụ?

Ɛ-Rubɛn, gabụ bɛ shɛ yɛu mi ihiiŋ, gabụ kaa bɛ shɛ ukpahiŋ mu, keeni tụ'walụ ti hiiŋ tu ukpahiŋ mu. Unyangana bụ keeni ukpahiŋ bụ zhɛ wo gombo wo hwulo aŋ. Bɛ shɛ gana meni mu uhwulwo mu na ma ugaga tu ma zhagajɛ, ama bu zha shɛ kaa bo hwulo umbe o. Iwɛnɛ ebu munji la ogodo bishi bu, ebi heshigeni aŋ, ogodo mi ebu munji.