Popular Bible Verses from 1 JUAN 5

Share

Diospim sunqunchista churanchis, imaraykuchus imatapas paypaq munakuyninmanjina mañakusun chhikaqa uyariwasunmi.

Imaynatachus mañakusqanchista Diospaq uyarisqanta yachanchis, ajinallataqmi imatachus mañakurqanchis chay jap'iqananchismanta yachapunchis.

Diosman munakuyqa paypaq kamachiyninkuna uyarinapim taripakun, chay kamachiyninkuna uyarinataq manam ima kallpa tukunapaschu kachkan, imaraykuchus tukuy Diospaq wawankunaqa kaypachata atipapunmi, jinaspataq iyawninchismi kaypachataqa atipachipuwanchis.

Pichus Diospaq Churinta jap'iqachkan chayqa wiñay kawsayniyuqllataqmi. Chaywampas pichus Diospaq Churinta mana jap'iqachkan chayqa, manam wiñay kawsayniyuqchu kachkan.

Kaytaqa pikunachus Diospaq Churimpi iyaw ninkichis chaykunamanmi qilqamuykichis, ajinamanta wiñay kawsayniyuq kasqaykichista yachanaykichispaq.

Pichus Diosman uj Tatantajina jap'iqan chaypaq manaña jucha ruwapusqanmantaqa yachanchismi, imaraykuchus Diospaq Churinmi payta waqaychan, jinataq Supayqa manam payman llankharipunchu.