Popular Bible Verses from 1 JUAN 2

Share

Kaypachata jinataq imachus kaypachapi kachkan chaykunataqa ama munaychischu. Mayqinchus kaypachata munan chayqa manam Dios Tataman munachkanchu; imaraykuchus kaypachaqa imakunatachus quyta munawanchis chaykunaqa manam Tataniqmanta jamuchkanchu, manachayqa kikin kaypachamantam jamun. Kaytam kaypachaqa quyta munawanchis: runajina mana allin yuwaykunata, tukuy imatachus rikuchkanchis chaykuna munanata jinataq qhapaq kaykunapi uma uqharisqa kaykunata ima.

Chaywampas kaypachaqa tukuy chay mana allin yuwayninkunawan tukukupuchkanñam. Chaywampas pichus Diospaq munayninta ruwan chaykaqqa wiñaypaqmi kawsan.

Pichus Diospim ujchasqa kani nispa nin chhikaqa, imaynatachus Jesucristo kawsakurqan ajinatam kawsakuna

Munasqa wawaykuna, tukuy kaykunataqa manaña juchata ruwanaykichispaqmi qilqamuykichis. Qankunamanta maykaqpas juchaman chayanman chhikaqa, Tatanchispaq ñawpaqimpiqa uj sayqatarikuqniyuqmi kanchis, pichus Jesucristo Tatanchismi, paytaq chiqanmi.

Chaywampas mayqimpas ajinata ninman: “Nuqaqa payman riqsinim” –nispa, jinaspataq kamachiyninkunata mana uyarichkan chhikaqa uj llulla runam chayqa, paypitaq chiqan kayqa manam kachkanchu.

Diospaq kamachiyninkunatachus uyarisun chhikaqa, payman riqsisqanchistaqa sumaqtam yachakupuchuwan.

Mayqimpas k'anchaypim kani nispa nin, chaywampas wawqimasinman chhiqnikuchkallan chayqa, ch'amakapiraqmi kakuchkan.

¿Pitaq llulla kachkan chayri? Pichus Jesusqa manam Mesiaschu kachkan nispa nin chaymi llullaqa. Kaymi Cristopaq Chhiqnikuqninqa, imaraykuchus Dios Tataman jinataq Churinman imam mana riqsiq tukun.

Maykaqpas Churita mana riqsiq tukun chayqa Tataman mana riqsiq tukullantaqmi. Chaywampas pichus Churita jap'iqan chayqa Tataman jap'iqallantaqmi.