Popular Bible Verses from 1 CORINTIOS 11

Share

Ajinallatataq, ch'isi mikhuyta mikhurqan chhikamantaqa, makinkunapi pusilluta jap'irqan jinaspataq ajinata nirqan: “Kay pusilluqa yawarniywan uj musuj rimthapiyta sut'inchachkan chaymi. Sapa kuti ujyankichis chhikaqa, nuqamanta yuwarikunaykichispaq ruwaychis” –nispa. Ajinaqa, sapa kuti qankuna kay t'ant'amanta mikhunkichis jinataq kay pusillumanta ujyankichis chhikaqa, Tata Jesuspaq wañusqantam ima p'unchay kutimunankama willachkankichis.

Kay ruwaytaqa Tatapaq saqisqan puriymantam nuqaqa jap'iqarqani, chay ruwaytataq nuqaqa qankunaman yachachipuykichis: Jayk'aqchus Tata Jesusqa ranqaykusqa kachkarqan chay kikin tuta, makinkunapi t'ant'ata jap'irqan Diosman yuspärayta quspa phatmispataq ajinata nirqan: “Kayqa qankunarayku wañuyman qusqa nuqapaq aychaymi. Kaytaqa nuqamanta yuwarikunaykichispaq ruwaychispuni” –nispa.

Chayrayku, sapa ujniyuqmi allinta sunqunku ukhuta qhawaqarikunanku manaraq t'ant'amanta mikhuykuchkaspa jinataq pusillumantapas ujyaykuchkaspaqa. Imaraykuchus mana Tatapaq aychan kasqanta yachachkaspa mikhun jinataq ujyan chhikaqa, pay kikimpaq asut'iynimpaqmi mikhukuchkan jinataq ujyakuchkampas.

Ajinaqa, maykaqpas Tatapaq t'ant'anmanta jinataq pusillunmanta mana chiqan sunquyuq kachkaspa ujyan, manachayqa mikhun chayqa, Tatapaq aychanjawapi jinataq yawarninjawapim juchata ruwan.

Qankunaqa nuqapaq ñanniyta qatiychis, imaynatachus nuqaqa Cristopaq ñanninta qatini ajinata.