Popular Bible Verses from Olóma 11

Share

Mammana, buimée bó úlenemú naá mɔ́ɔ, buimée bó ɔyɔmɔ́ gɛ́hɛ́ gɔnɔ́ go busío bɛ́hɛ́. Mbúlugie nɛhɛ́ go bɛcamɛna biimée! Aamɛnɛ.

Mbɔ́dɔ yɛ́ɛyɛ bonɔ́mɛ bá Asaŋa bó degemú, nciŋí na goíyime gɛ́hɛ́ mó lɛ́ findímíi! Ánɛ́ɛ a lɔ́mɔ́ ba go falona mbɔ́dɔ yɛhɛ́ ya go sómba bɛsɛnɛ o? Ánɛ́ɛ a lɔ́mɔ́ ba go lɛnca pɛ́ sɛ́hɛ́ o?

Mammana ánɛ́ɛ i íyimenemú mbééníŋínyí ya Daadáa o? Ánɛ́ɛ a mbaá mo fáá témbuginye o?

Bó lɛ́ nɔ́ɔ caŋa táŋɛ́ mmue naá gɛcamɛna gá ínoni: nɛnamá ná batɔ nɛ́ lɛ́ hɔ́ɔ nɛ́ɛnɛ Asaŋa a mbií iyídé go niibo nɛ́hɛ́. Kanɛ́ aáŋa Asaŋa a mba bó iyídé go niibo nɛ́hɛ́ ná moatɛ́, bó do báá go meŋiigíe mábɔ́, aáŋa nɔ́ɔnɔ, niibo ná Asaŋa nɛ́ dɛ báá gɔnɔ́ niibo.

Boɛ́nɔ bá Ɛ́sɛlahɛ́ɛlɛ bó lɛ́ aŋa boɛ́tɛ bá kónagóna, bɔ́ɔbɔ bá mbaá sómbáa nɛnamá ná ɛtáfɛ ya bɔ́. Kanɛ́ maamɔ́ɔ mɔ́ɔnyɔ o lɔ́mɔ́ o do bɛ́ɛ́mbá ba Beyúdene, o mba lɛ́ aŋa otáfɛ yá boɛ́tɛ bá gɛsɔgɔ, bá báá go gɔ́lɔ́, bá báá go ledígínyée naá undukí ya ɛtáfɛ moánɛ, gɔ́ɔ godɔ́ɔdɔ o bɛananamɔ́ olɔŋɔ na yɛ́ bodáŋɔ bá masɔ́ŋɔ́ máama ɛŋaŋá ɛ dúgemú mbɔ́gɔ́ ya boɛ́tɛ bá kónagóna. Kɔ́ɔ gó lɔ́mɔ́ o do ɛ́dá go fánɛnafanɛna ɛtáfɛ yɛ́ɛyɛ bá mbaá sómbáa. Kanɛ́ go amɔ́ o bɛ́ɛmba na mbɔ́dɔ ya onɔndɔ́ moánɛ, bééníŋínyéemú goŋaá a dɛ báá maamɔ́ɔ mɔ́ɔ o bɛananamɔ́ ɛŋaŋá, yɛ́ ɛ go bɛananamɔ́.