Popular Bible Verses from Olóma 10

Share

Kɔ́ɔ go amɔ́ o gálagala na nyuudé náhɔ go amɔ́ Yésusu a lɛ́ Daadáa, aáŋa go olimonyo naá odɛ́má yáhɔ go amɔ́ Asaŋa a mba mo fúfúné naá kadɛ́gadɛ́ɛ ya begúe, Asaŋa a ŋga go sódío.

Mammana, mɔ́ɔnyɔ o olimonyomú naá odɛ́má yɛ́hɛ́, Asaŋa a mo íyenye gɛtɛ́nɛ́ɛ; gɔnɔ́, mɔ́ɔnyɔ o oyamɔ́ daŋɛ́daŋɛ na nyuudé nɛ́hɛ́ a amɔ́ Yésusu a lɛ́ Daadáa, Asaŋa a mo sódonyo.

Bɛ́ ɛ́yanamɔ́ uŋgolímínyí go Cɔ́mɔ yɛ́ɛyɛ go ɔ́bɔnɔmɔ́, kanɛ́ Cɔ́mɔ ya ndiemi, gibédímbígéné gá yɛ́ gɛ́ lɔ́mɔ́ nogálɔ ná Kilítusu.

Ŋgɔ́ŋɛ́ yɛ oya yɛ amɔ́: Mɔ́ɔnyɔ a áganamɔ́ odɛ́má yɛ́hɛ́ naá mɔ́ɔ, a dɛ ŋgá nóa odóɛ. Gɔ́ɔ, godádoga gó lɔ́mɔ́ gó do bɛ́ɛ́mbá na Beyúdene na boɛ́nɔ búntió. Bá lɛ́ Daadáa babɔ́ táŋɛ́ ummue. Biimée báaba bá mo fínenyemú, a bó ŋanana niibo. Ɛɛ́ɛŋ, uŋkimée mɔ́ɔnyɔ a ŋgaá fínídínyée ufíno yá Daadáa, Asaŋa a ŋga mo sódío.

Gɔnɔ́, mɔtɔ ba go mo dúmenye a ŋgaá bɛ́ɛ́mbá hɔ́ɔ nɛɛ́nɛ, aáŋa bá dɛ mo dómá o? Nɔ́ɔ gɔ́ɔ tɔ́nɔ bó lɔ́mɔ́ naá Ŋgɔ́ŋɛ́ goŋaá: Ɛ́ná aŋa bɛ́ lɔ́mɔ́ bɛnɔ́gɔ́! bɛgɔ́ndɔ́ bá báaba bá dúmenyemú bɛnɔ́gɔ́ bá Cɔ́mɔ!

Kanɛ́ bá ŋgaá mo fínényée nɛɛ́nɛ aáŋa bá lɛ́ kanɛ go ága odɛ́má yábɔ́ naá mɔ́ɔ o? Gɔnɔ́ bá ŋgaá ágá odɛ́má yábɔ́ naá mɔ́ɔ nɛɛ́nɛ, bɔ́ɔ kanɛ go mo ɔ́bɔ o? Gɔnɔ́ bá ŋgaá mo ɔ́bɔ́ nɛɛ́nɛ, aáŋa mɔtɔ ba go mo dúmenye a dɛ bɛ́ɛ́mbá hɔ́ɔ o?

Goúle gá Kilítusu gó mba meníe bogaaga bá gicele goŋaá biimée báaba bó olimonyomú bɛ́ ɛ́ya bɛtɛ́nɛ́ɛ naá oŋgíso yá Asaŋa.