Popular Bible Verses from 1 Sáŋa 3

Share

Baaná bámɛ, dɛ dɛ háánánáa go maamana bolimóní bɛ́cɔ́ goana na nyuudé ɛ́na lí na bɛlágálága. Kanɛ́ dɛ háanana go bɛa mammana ya gɛnɔ́ɔ́nɛ́nɔ́ yɛ́ɛyɛ ɛ bédúfenyemú naá meŋiigíe.

Dɛ íyimenemú bɔ́ɔbɔ bó lɔ́mɔ́ gɛnɔ́ɔ́nɛ́nɔ́ go náana: Yésu Kilítu a mbi íŋéné gɛɔyɔ gɛ́hɛ́ go busío bɛ́cɔ́. Kɔ́ɔ, bɛɛcɔ́ɔ tɔ́nɔ, dɛ háanana go íŋene gɛɔyɔ gɛ́cɔ́ go bondimóní bɛ́cɔ́.

Ɛ́ná nɔnɔ kasɛ́á mbɔ́dɔ ya gɛnɔ́ɔ́nɛ́nɔ́ yɛ́ɛyɛ Baaba Asaŋa a mbaá có ŋaáa! Gɛnɔ́ɔ́nɛ́nɔ́ gá ndiemi gɛ́ lɛ́ ŋaáalú goŋaá bá có dɔ́ŋɔnɔ bá amɔ́ baaná bá Asaŋa; dɛ lɛ́ mammana baaná bɛ́hɛ́. Go busío moánɛ gɔ́ɔ batɔ bá cí bá lɔ́mɔ́ bá dɛ có íyíménée, goakɛ́ bá lɛ́ kanɛ go mo lɛnca.

Mɔ́ɔnyɔ ɛ ɛ́danamɔ́ naá busío a ŋanana gɛlɔgɔ a lɛ́ ba Ohándá, goakɛ́ Ohándá a lɛ́ ulogílógí gó dúme naá mabayɛga. Goúle gá Moɔnɔ́ ba Asaŋa gó mbaá lɔmɔ́ go go nco díeŋie moyogónyóo má Ohándá.

Uŋkimée mɔ́ɔnyɔ a lɔ́mɔ́ ɛ́yáalú moɔnɔ́ ba Asaŋa, a dɛ gɔnɔ́ ŋanana gɛlɔgɔ, goakɛ́ bogaaga bá gɛɔyɔ gá Asaŋa bó lɛ́ naá mɔ́ɔ. Gɔ́ɔgɔ Asaŋa a lɔ́mɔ́ Isée, a dɛ báá ba go gɔnɔ go ɛ́dana naá busío a ŋanana gɛlɔgɔ.

Mɔtɔ a amɔ́ a bɛa bonɔ́mɛ bá cí yɛ́ɛyɛ, a bɛ́ɛ́ ɛ́ná ondimóní a háanahana, a báá mo ɛ́lɛ́ná odɛ́má, nɛɛ́nɛ kanɛ́ a lɔ́mɔ́ ba go oyɛda a amɔ́ a maamana Asaŋa o?

Uŋkimée mɔ́ɔnyɔ a bɛ́dɛganamɔ́ bɛlɔsɛnɔ bá Asaŋa a gɛ́ga báladáalú nɛhɛ́, Asaŋa tɔ́nɔ a lɛ́ nɛhɛ́. Bó lɔ́mɔ́ go Gimmúmpúu gá Giliíli mɔ́ɔnyɔ a mbaá có fáá gɔ́ɔ dɛ lɛncanamɔ́ goŋaá Asaŋa a gɛ́ga báladáalú nɛcɔ́.

Uŋkimée mɔ́ɔnyɔ a lɔ́mɔ́ a dɛ ŋanánáa bɔ́ɔbɔ bó lɔ́mɔ́ tɛ́nɛ́ɛ, ɛ́na lí a dɛ maamánáa ondimóní, a dɛ báá ba Asaŋa; hɔ́ɔlɔ́ gɔ́ɔ bá lɛncanamɔ́ dalaŋanyɛ baaná bá Asaŋa na baaná bá Ohándá.

Moánɛ, cɔ́mɔ yɛ́ɛyɛ no mbɔɔ́ ɔ́bɔ́ gó dúme naá mabayɛga ɛ lɔ́mɔ́ yɛ amɔ́: Ŋgáa dɛ no maamanɛna.

Bolimóní bámɛ, no do békúkée aáŋa batɔ bá cí yɛ́ɛyɛ bá nyó bɛlabɛla.