Popular Bible Verses from Mɛnu ɛ́ ńdɑ́Ꞌ ńcẅɛt 14

Share

N zúꞋ yɛcɔ́ ŋɡi-ŋu fú tʉ́nɛ́pú ńcú ŋɡɔ: «ŊwɑꞋnɛ ŋɡɔ: Ɛ́ ɡʉ fú ŋkɔ̂ɔnɛ, pɛpɔ́ttú pɔ́ pʉɔ pí pɔ́p ɡʉ ŋ́ɡɔ ḿpfú, ḿpfú ntsufɑꞋ-Tsɑpʉɔ. Zẅikŋɛ lɛ́ɛnɛ́nɛ pɛ́m ŋɡɔ ɛ́ nu, pîpɑ́ pʉɔ ɡɛ ŋ́ɡʉ jẅiitɛ nǔu mɛfɑꞋ mɔ́p. MbíꞋŋɡɔ mɛfɑꞋ mɔ́p ŋ́ɡɛ pɔ́p ɡẅɛɛ tsɔ́ꞋfɑꞋ yɔ́p.»

Yɔ nu lɔk ńcú ŋɡɔ pʉɔ-Sɛ́, pʉɔ pí pɔ́p ɡẅɛɛnɛ nɛpʉ́ʉ-Sɛ́, ńzɑ́p tʉ́m nǔu Yɛ́su sʉk.

A ḿbɔ́ ńdɔk ŋɡi tɛnnɛ ńcú ŋɡɔ: «Pʉʉ pɔ́k Sɛ́, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ ŋkɑ́ yi ɑ ɡʉ ŋ́ŋɑk pʉɔmɛsɔŋ ɛ́ pɑ́Ꞌ mbɔ ɛ́ kuꞋ. Pʉʉ ɡúꞋlɛ ŋu ẅí ɑ kɑ niitɛ́nɛ nɛpú, ńniitɛ tsɛ́tsɑ́Ꞌ, ńniitɛ ŋki kɛ́ nɛpɑt, ńniitɛ mbɑ sɑ́Ꞌŋki.»

Wɛcɔ́ Cʉ̈ɔꞋ-Sɛ́, ḿbɔ́ mbɑ́ɑtɛ yɛ́tɑ́t pɑ́ɑtɛ wɔ́p, ḿbɔ́ ńdɔk ŋɡi tɛnnɛ ńcú ŋɡɔ: «Ŋu lɑɑ ŋ́ɡúꞋlɛ nɑɑ mbɑ tɛ́tɔ́k wɛ, ḿbɛ́m pɛ́ cʉɔꞌ lii-nɑɑ nǔu nɛzíi nɛ́ kɛ nǔu pɔ́ yɛ́ ɔɔ, ŋɡɑŋ jí ŋɡɔ mbɑ jʉ́ ɡʉ ŋ́ɡɛ ńnɔ́ mɛluꞋ-zɑ́ŋlɔ́ŋ-Sɛ́, mi Sɛ́ ɡʉ ŋ́ɡɛ ńníꞋ tsɛt ntúꞋ-zɑ́ŋlɔ́ŋ yɛ́, tɛ mbɔɔ síi ŋ́ɡwɑtɛ pɔ́. Ŋɡɑŋ pɑ́ɑtɛ ŋ́kúu ŋɡʉ̈ɔ́Ꞌ tsɛt múk-mɛkɑɑ, mbi pɛcʉ̈ɔ́Ꞌ-Sɛ́ pɛ lɛ́ɛnɛ́nɛ mbɑ mbi Mɔ́ɔ-Njinjɔ.» Ndíndí-múk-ŋɡʉ̈ɔ́Ꞌ yɔp ńdɑ́Ꞌ ńjúk ŋ́kɔ́Ꞌ kɔ́Ꞌnɛ nǔu mɛŋɡuꞋ mɛŋɡuꞋ. Mbɑ wɔ̌ lɑ́ ẅi ɑ sɛ́ ŋ́ɡúꞋlɛ nɑɑ, ḿbɛn ḿbɔ́ ŋ́ɡúꞋlɛ tɛ́tɔ́k nɑɑ ɛ̂wɑ́, tɛ mbɔ pɛ́ cʉɔꞌ lii-lík-nɑɑ nǔu wɛ́, ɑ ńdɑ́Ꞌ ńjúk nɛjʉ́ɔ ŋɡʉ̈ɔ́Ꞌ nɛnɛm mbɑ nɛtúꞋ, wɛcɔ́ nɛjẅiitɛ pɔɔ pɔ́ ɡú pɔ́.

N jʉ́ɔ pɔ yúu tɛ ḿbɔ́tnɛ ńnɑ́ŋ, ńjʉ́ɔ Mɔ́ɔ-njinjɔɔ, ɑ tʉ́ʉ ndǔ nɛŋkɔ́Ꞌ-Siyɔŋ. Pɔ́p pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ pɔ́nɛ (144.000). Mbɔ pɛ́ kɑ ŋwɑꞋnɛ lík-Mɔ́ɔ-Njinjɔ mbɑ yɛ́ Tɑ́t wɛ nǔu nɛzíi nɔ́p.

M bɛn ńjʉ́ɔ wɛcɔ́ tɑ́Ꞌ Cʉ̈ɔꞋ-Sɛ́ pɔ́ tɛ tʉ́nɛfɑŋ ḿbɔ́ ńtɑt, ŋ́ɡẅɛɛ wɛcɔ́ Ŋkʉʉ sʉ́Ꞌnɛ ẅí ɛ́ wɛ kɛ́mɛ, pɑ́Ꞌ ɑ ɡʉ ŋ́ɡʉ ńcẅi mbɔ̌ pʉɔ pí pɔ́p ndǔ tsɛ́tsɑ́Ꞌ, tsɛt mbɑ wɛ́tɛ́ ŋɡɔŋ lɑ́, mbɔ̌ mbɑ yɛ́tɛ́ njẅɛtndɑ́ lɑ́, mbɔ̌ pɑsẅíŋɛ mbɑ yɛ́tɛ́ ntɛ́ sẅiŋɛ lɑ́, mbɔ̌ ntɛ́ nɛ́ ntɛ́ pʉɔmɛsɔŋ.

Wɛcɔ́ Cʉ̈ɔꞋ-Sɛ́, ḿbɔ́ mbɑ́ɑtɛ yɛ́pɑ́ pɑ́ɑtɛ ḿbɔ́ ńcú ŋɡɔ: «A vu sɛ́, ŋɡɔ ɑ vu sɛ́. N dɑꞋ mɑ́mɑ́ tʉ́sɔŋ-Mbɑbilɔ̂nɛ ẅi ɑ kɑ pɔ́ ŋ́ɡɛ ŋɡɔŋ nɛ́ ŋɡɔŋ pɔ́ ńnɔ́ mɛluꞋ-ɡɑp yi ɛ́ lɛɛnɛ ntɛ́.»