Popular Bible Verses from Mɛnu ɛ́ ńdɑ́Ꞌ ńcẅɛt 13

Share

Ɛ́ pɔŋ ŋɡɔ pʉɔ tsuŋ ŋ́kwɑŋɛ sʉ́Ꞌnɛ. Ŋu lɑɑ ŋ́ɡẅɛɛ jínu ɑ lii mɛnɔ́mbɑɑ mi ɛ́ cúꞋlɛ́nɛ ńdɔk ńdɛꞋlɛ lík-nɑɑ. Wîwɑ́ nɔ́mbɑɑ lɔk ḿbɔ́ lík wɛcɔ́ ŋumɛsɔŋ. Ɛ́ ntsɔ̌pɛ́nɛ́ntúkú nɛ́ mɛɡɛ́mɛ́nɛ́ntúkú nzʉʉ ŋkʉ yɛ́nɛ́ntúkú (666).

Pʉɔ tsʉʉ pí pɔ́p ndǔ tsɛ́tsɑ́Ꞌ ɡʉ ŋ́ɡɛ ŋ́kẅíꞋlɛ mbi yɛ́, ŋ́ɡúꞋlɛ wɛ́. Pɛ́ lɑ́Ꞌ ŋɡɔŋ pʉɔ tsʉʉ pí pɛ́ ŋ́kɑɑ ŋwɑꞋnɛ lík yɔ́p tsɛt ŋwɑꞋnɛ-luk tɛ ɛ́fú ŋkɑ́ yi mbí kɑ zɛnɛ pɔ́, ŋwɑꞋnɛ ɛ̂yɑ́ yɛ́ mɔ́ɔ-Njinjɔ ẅí pɛ́ kɑ jẅínɛ wɛ́.

Nɑɑ mbɑ́ɑtɛ yɛ́pɑ́ ɡɛ nǔu ntɛ́ yi wɛ́tɛ́ lɑ́ ɡʉ ŋ́ɡẅɛɛ lii nǔu pɔ́ yɛ́ kɛ pɔ nǔu nɛzíi nɛ́ ɔɔ. Tɛ mbɑ pɑ́Ꞌ ɑ lɑɑ ḿbɔ́ pɔ mɔ́ɔ, ndʉ́m, ŋɡɑŋyúu, mbúŋ, ndẅíi kɛ ŋkwɑɑ ɔɔ. Ŋu lɑɑ ḿbɔ́ ɑ pɔɔ zúu yúu, kɛ nɛfɛn kɛ́ pɔ́ yi ɑ ɡẅɛɛ yîyɑ́ lii yi ɛ́ lík-nduŋmbi nɑɑ ɛ̂wɑ́, ḿbɛn ńdɔk ḿbɔ́ mɛnɔ́mbɑɑ mi ɛ́ cúꞋlɛ́nɛ ḿbɔ́ lík yɛ́ pɔ́.

Ŋu lɑɑ ḿbɔ́ ẅí pɛ́ kɑ zɑ́pnɛ ŋɡɔ ɑ ɡʉ ńdɑ́Ꞌ ḿbɔ́ puꞋ-ntsɔ, mbɔ ɑ ɡʉ ńdɑ́Ꞌ ḿbɔ́ pɔ wɛ́tɛ́. Ŋu ẅí pɛ́ kɑ zɑ́pnɛ ŋɡɔ pɛ́ ɡʉ ńdɑ́Ꞌ ńdɔk níi-ntsɔ ńjẅí wɛ́, mbɔ pɛ́ ɡʉ ńdɑ́Ꞌ ńdɔk pɔ yɛ́tɛ́ ńjẅí wɛ́. Yɔ nu lɔk ńcú ŋɡɔ pʉɔ pi pɔ́p pɛ́ Sɛ́ ɡẅɛɛ sʉk, ŋ́kɛ́ ḿbɔ́ ńzɑ́p pɔ tʉ́m nǔu Sɛ́.

M bɛn ńjʉ́ɔ wɛcɔ́ ŋkʉꞋnɛ nɑɑ fú tsɛt ŋki kɛ́ nɛpɑt ńcẅɛt, ŋ́ɡẅɛɛ mɛtú sɑɑmbɑ́, ŋ́ɡẅɛɛ mɛndɔ́ŋ nɛɡɛ́m, mbɑ yɛ́tɛ́ ndɔ́ŋ lɑ́ ɡẅɛɛ cɔꞋ-nɛfɔɔ, mbɔ pɛ́ ŋwɑꞋnɛ lík yi pɛ́ lɔknɛ ńzɔɔtɛ Sɛ́ zɔɔtɛnɛ nǔu mbɑ yɛ́tɛ́ tú lɑ́.

Pɛ́ nɑ́ wɛ́ ŋɡɔ ɑ ɡʉ ḿmɑꞋ pʉɔ-Sɛ́ nɛ́ ntsɔ mɑꞋ tɛ ńdɛɛ wɔ́p, ńnɑ́ wɛ́ ŋ́ɡɔ ɑ sɑ́Ꞌ mɛnjẅɛtndɑ́ tsʉʉ, ɛ́sɑ́Ꞌ pʉɔ ntɛ́ nɛ́ ntɛ́, ŋɡɔ ɑ sɑ́Ꞌ pɑsẅíŋɛ mɛsẅíŋɛ ntɛ́ nɛ́ ntɛ́, ŋɡɔ ɑ sɑ́Ꞌ mɛŋɡɔŋ tsʉʉ.

A kɑ lẅɑklɛ pʉɔmɛsɔŋ ndǔ tsɛ́tsɑ́Ꞌ nɛ́ ŋkʉꞋnɛ nu yi ɑ kɑ ɡɛnɛ mbi nduŋmbi nɑɑ. A kɑ píkŋɛ mbɔ̌ pʉɔ ndǔ tsɛtsɑ́Ꞌ ŋɡɔ pɔ́p ɡɛ tɛ́tɔ́k-nduŋmbi nɑɑ wɑ́, nduŋmbi nɑɑ ɛ̂wɑ́ kɑ lʉ́ɔ fʉ́ŋ lɑ́ ŋ́kɛ́ mbɔɔ pfú. Pɛ́ pɛn ŋ́ɡɑ́ wɛ́ nɛ́ mɛtʉʉ pɑ́Ꞌ ɑ ɡʉ ŋ́ɡɛ tɛ́tɔ́k ɛ̂wɑ́ nuklɛ, ńjí ŋɡɔ tɛ́tɔ́k ɛ̂wɑ́ ɡʉ ŋ́kuꞋ nɛcú nu, ŋ́kuꞋ nɛjẅítɛ pʉɔ tsʉʉ pí pɔ́p ŋ́kɑɑ pɛ́m nɛɡúꞋlɛ jʉ́ tɛ́tɔ́k pɔ́.

Nɑɑ ẅí ŋ kɑ jʉ́ɔnɛ kɑ pɔ́ pɔ pɑ́Ꞌ nɑɑŋɡwɛ, mɛku mɛ́ pɔ́ pɑ́Ꞌ mɛ́ wɛcɔ́ mɑ́mɑ́ ntsɔ̌p, ntsu wɛ́ ḿbɔ́ pɑ́Ꞌ wɛ púꞋntʉʉ. Mɑ́mɑ́ nɔ́nɛŋɡɛ́m wɑ́ ɡɑ́ mɛtʉʉ mɛ́ mbɔ̌ wɛ́, ŋ́ɡɑ́ kɔꞋ-nɛfɔɔ nɛ́ mbɔ̌ wɛ́, ŋ́ɡɑ́ nɛsɑ́Ꞌ pʉɔ mbɔ̌ wɛ́.

Pɛ́ ɡɑ́ ntsu ẅí ɑ ɡʉ ńdɔk ɛ́fiꞋtɛ mɛsẅíŋɛ-ŋɡwɑ́k, mbɑ pɑ́Ꞌ ɑ ɡʉ ńdɔk ńzɔɔtɛ Sɛ́ mbɔ̌ wɛ́. M bɛn ńnyɛt wɛ́ pɑ́Ꞌ ɑ ɡʉ ɛ́sɑ́Ꞌ nɛ́ nɛfɔɔ nǔu pɛsɑŋ ntsɔ̌ppɑ́ nɛ́ mɛɡɛ́mɛ́nɛ́kwɑ.

Yɛcɔ́ tɑ́Ꞌ nǔu tú yɛ́ kɑ pɔ́ pɔ pɑ́Ꞌ ŋkɑ́ yi pɛ́ kɑ níꞋ fʉ́ŋ nǔu tɛ ḿbɔ́ ɛ́ jẅí wɛ́ jẅínɛ lɑ́, lɑ́ fʉ́ŋ ɛ̂yɑ́ yi ɛ́ kɑ pɔ́ yi ḿbɔ́ ɛ́ jẅí wɛ́ jẅínɛ pɔ́ ḿbɔ́ ɛ́ kɑ tʉʉmɔ́. Pʉɔ ndǔ tsɛ́tsɑ́Ꞌ jʉ́ɔ pɔ́Ꞌɔ ḿmɑɑ, ḿpfúu ńcʉ́ɔ nzʉʉ wɛ́.

M bɛn ńjʉ́ɔ wɛcɔ́ ŋkʉꞋnɛ nɑɑ pɔ́ ɛ́fú tsɛt tsɛ́tsɑ́Ꞌ ńcẅɛt. Mɛndɔ́ŋ mɛ́ pɔ́ mɛmbɑ́ pɑ́Ꞌ mɛ́ mɔ́ɔ-Njinjɔ, tɛ ɑ pɔ́ ńcú nu pɑ́Ꞌ mɑ́mɑ́ nɔ́nɛŋɡɛ́m lɑ́. A kɑ ɡẅɛɛ mɛtʉʉ-nduŋmbi nɑɑ, nɛlɔk ŋ́ɡɛ mɛnu mbi yɛ́, ḿbɔ́ ŋ́ɡɛ pʉɔ tsʉʉ ndǔ tsɛ́tsɑ́Ꞌ ŋ́kẅíꞋlɛ mbi nduŋmbi nɑɑ ɛ̂wɑ́, ŋ́ɡúꞋlɛ wɛ́. Nɑɑ wɑ́ ẅí fʉ́ŋ kɑ pɔ́ nǔu wɛ́ tɛ ḿbɔ́ pɔ yi ḿbɔ́ ɛ́ jẅí wɛ́ jẅínɛ ḿbɛn ńtʉʉ lɑ́.