Popular Bible Verses from Filipɛ 3

Share

Pɔ́ɔpɛ́mɑ́ pɑ́ɑ, mbɔ m bɔɔ cú ŋɡɔ ŋ ɡʉ tɛ ŋ́kúu pɔ́, mɔ sɛ́ ŋ́ɡɛ pɔ tɑ́Ꞌ yúu, ɛ́ pɔ́ nɛɡɔ́ ŋ́ɡɛ yúu, ńdikŋɛ Mbɑ kʉ̈ɔ́ lɑ́ yi ŋ kɑ ɡɛnɛ, ńtsʉ́Ꞌ ńdíŋɛ pɔ yi ɛ́ mbi. Mɔ sɛ̂ndúŋ ŋ́kʉɔ pɔ ndʉ́ɔlɛ́ nɛkúu zʉꞋ yi ŋ ɡʉnɛ zúꞋu ńcẅɛ́ɛ tsɔ́ꞋfɑꞋ yi Sɛ́ kɑ kɑꞋnɛ nɛɡɑ́ mbɔ̌ pɛkŋɛ tʉ́nɛ́pú. Yîyɑ́ tsɔ́ꞋfɑꞋ pɔ́ nɛpɔ́ nɛjɔ́ŋ Yɛ́su tʉ́nɛ́pú.

Mɔ sɛ́ ńtsɑ́ɑ pɔ tɑ́Ꞌ nu wɛ́mɔ́Ꞌ. Ɛ́ pɔ́ ŋɡɔ n jí Kɛlístɔ, ńjí mɛtʉʉ mi ɛ́ kɑ ɡɛnɛ ɑ zẅíimɛ nǔu nɛvú, ńjʉ́ɔ ŋɡʉ̈ɔ́Ꞌ pɑ́Ꞌ ɑ kɑ jʉ́ɔnɛ yɛ́, ḿbɛ́m nɛɡɑ́ tú yɑ́ɑ ḿpfú pɑ́Ꞌ ɑ kɑ ɡɑ́nɛ yɛ́, nɛpɔ́ yi, ɛ́ lɑɑ ḿbɔɔ pɔ́ pɔ kʉ̈ɔ́ pɔ́, Sɛ́ lɑ́Ꞌ ŋ́ɡɛ n zẅíimɛ yɑ́ɑ nǔu nɛvú pɑ́Ꞌ Kɛlístɔ.

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii

Lɑ́ mɔnɛ mɛnu mi ɛ́ kɑ pɔ́ mbɔ̌ mɔ ḿbɔ́ pɔ nɛmɑŋ, Kɛlístɔ kɑ ɡɛ n jʉ́ɔ, ɛ́ pɔ́ pɔ pɛ́.