Popular Bible Verses from Filipɛ 2

Share

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́. Kɔɔ ŋu wʉʉ kwɑŋɛ pɔ ndɑꞋ yɛ́ tú. A pɛn ŋ́kwɑŋɛ yɛ́ pɛcɔ́ pʉɔ.

Pʉʉ ɡẅɛɛ kwɑŋɛ yí Yɛ́su Kɛlístɔ kɑ ɡẅɛɛnɛ.

A ŋkɑɑ lɔk pɑ́Ꞌ ɑ Sɛ́ tɛ ḿmik, ńcʉŋɛ nǔu nɛpɔ́ ẅi pɔ́p Sɛ́ ɡʉ ŋ́kɛ́ ńnɑ́ŋ pɔ tɑ́Ꞌ zʉꞋ pɔ́. Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m nɛpɔ́ ŋɡɑŋfɑꞋ, ńnɑ́ mbɑ kʉ̈ɔ́ lɑ́ yi ɛ́ kɑ pɔ́ yɛ́, ńtsʉ́Ꞌ ŋumɛsɔŋ. Pɛ́ pí wɛ́ pɑ́Ꞌ pɛ́ pínɛ pʉɔmɛsɔŋ. A kɑ pɛ́m nɛkɔk mbʉʉ yɛ́ ŋ́ɡɑ́ sɛ́, ḿbɛn ḿbɛ́m nɛzúꞋ ntsu-Sɛ́, tɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ɑ pfú.

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

Ɛ́ yúu mi ɛ́ kɑ ɡɛnɛ lɑ Sɛ́ tsẅíkŋɛ wɛ́ nǔu zʉꞋ ɡwɛ́, ŋ́ɡɑ́ lík yi ɛ́ lɛɛnɛ mɛlík tsʉʉ mbɔ̌ wɛ́, nɛpɔ́ yi ŋu lɑɑ ńzúꞋ lík-Yɛ́su, kɛ ḿbɔ́ pɔ ŋu ẅí ɑ tʉ́nɛ́pú ɔɔ, kɛ ndǔ tsɛ́tsɑ́Ꞌ ɔɔ, kɛ nzɛm sɛ́ ɔɔ, ɑ ɡɑ́ mɛkuꞋ ńtsɑ pɛfɔɔ mbɔ̌ wɛ́. Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

Pʉʉ ɡɛ mbɑ kʉ̈ɔ́ lɑ́ kɛ́ sẅíitɛ, kɛ́ yɛcɔ́ zɔŋ nu tsɛtsɛt pʉʉ, nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.